शिंदखेडा (प्रतिनिधी) – येथील शिवसेना मध्यवर्ती कार्यालयात आज बुधवार रोजी स्व.मीनाताई ठाकरे यांची जयंती व दर्पणकार बाळशास्त्री जांभेकर यांच्या जयंतीनिमित्त आदरांजली वाहून अभिवादन करण्यात आले. यावेळी शिवसेना जिल्हाप्रमुख हेमंत साळुंके यांनी माँसाहेब स्व.मीनाताई ठाकरे यांच्या आठवणींना उजाळा दिला. तसेच उपस्थित पत्रकारांना पत्रकार दिनाच्या शुभेच्छा दिल्या.
यावेळी बोलतांना श्री.साळुंके म्हणाले की, माँसाहेब मीनाताई ठाकरे या महाराष्ट्रातील समस्त शिवसैनिकांच्या उर्जास्थान होत्या. महाराष्ट्राच्या विविध भागातून मुंबईत मातोश्रीवर येणाऱ्या प्रत्येक शिवसैनिकाला माँसाहेब जेऊ घातल्याशिवाय परत जाऊ द्यायच्या नाही. प्रत्येक शिवसैनिकांची आपुलकीने विचारपूस करायच्या. मॉसाहेबांच्या वात्सल्याचा झरा हा अखंड वाहत होता. शिवसैनिकांसाठी माँसाहेब सदैव वंदनीय राहील, असेही साळुंके म्हणाले.
यावेळी शिवसेना जिल्हाप्रमुख हेमंत साळुंके, उपजिल्हाप्रमुख शानाभाऊ सोनवणे, उपजिल्हा संघटक भाईदास पाटील, तालुका प्रमुख गिरीश देसले, तालुका समन्वयक विनायक पवार, उपतालुका प्रमुख संतोष देसले, शहरप्रमुख सागर देसले, युवासेनेचे गणेश परेदशी, प्रदीप पवार, प्रशांत जगताप, भगवान कुमावत, नाना पहाडी, संदीप राजपुत, महिला संघटीका ज्योती पाटील, अलका कापुरे, दिपकराव जगताप, सुकदेव बागुल आदी उपस्थित होते.
