विविध विकास कामांचे,व पुर्णत्वाकडे असलेल्या कामांची दिनदर्शिकेत सविस्तर माहिती
दोंडाईचा (विशेष प्रतिनिधी) – येथे नगरपलीकेच्या माध्यमातून २०१६ पासुन मा.आमदार जयकुमार रावल यांच्या मार्गदर्शनाखाली ताईसाहेब नयनकुवँर रावल यांच्या अध्यक्षतेखाली तसेच सर्व नगरसेवक, पदाधिकारी यांच्या पाठपुराव्यामुळे दोंडाईचा शहरातील विविध विकासकामांचे नियोजन करुन पुर्णत्वाकडे आहेत. अशा सर्व कामांची माहिती भाजपातर्फे दिनदर्शिकेचे विमोचन मा.आमदार जयकुमार रावल यांनी आज केले .
आमदार जयकुमारभाऊ रावल यांनी बोलतांना सांगितले की, भाजपा शहराध्यक्ष प्रविण महाजन यांनी आपल्या व्यवसायाच्या माध्यमातून पक्षाचे दिनदर्शीका स्वखर्चाने प्रकाशीत करुन शहरातील कोट्यावधी कामांची जंत्रीच सादर केली आहे. सदर स्तुत्य उपक्रम असुन शहरातील जनतेला उपयुक्त रेल्वे वेळापत्रक व शासकीय कामांसाठी लागणारे कागदपत्रे आदी उपयुक्त माहिती दिली आहे. ह्या दिनदर्शिकेचे जनतेने स्वागत करावे असे सांगितले.
याप्रसंगी उपस्थित भाजपा शहराध्यक्ष प्रविण महाजन , बांधकाम सभापती निखिल जाधव, आरोग्य सभापती जितेंद्र गिरासे ,नगरसेवक कृष्णा नगराळे, नरेंद्र गिरासे,युवा मोर्चा अध्यक्ष राजु बाबा धनगर,दिलीप जाधव , नरेंद्र ठाकुर,ईश्र्वर धनगर , सुनिल धनगर, डॉ मुकुंद सोहनी, डॉ अनिल सोहनी,चेतन सिसोदिया ,मनोहर कापुरे आदी मान्यवर उपस्थित होते.
