पुणे (प्रतिनिधी सुनिल भोसले) – लग्न घरात चोरीची घटना उघडकीस आली आहे. नवरदेवाच्या बापानेच आपल्या मेहुणीचे दागिने लंपास केले. पुण्यातील कोथरूड पोलीस ठाण्याच्या हद्दीत ही घटना घडली. या प्रकरणी सिंहगड रोड पोलीस ठाण्यात गुन्हा दाखल केला आहे.
पुण्यातील घुलेनगरमध्ये राहणाऱ्या दत्ता गोरे याला पोलिसांनी अटक केली आहे. या प्रकरणी महिलेने सिंहगड रोड पोलीस ठाण्यात तक्रार दाखल केली होती. मिळालेल्या माहितीनुसार, गोरे यांच्या मुलाचे वडगाव बुद्रुक परिसरात लग्न होते. महिला देखील या लग्नाच्या कार्यक्रमाला आली होती. ती गोरे यांची मेहुणी आहे. त्यांना दुसऱ्या एका कार्यक्रमासाठी जायचे होते. त्यामुळे त्यांनी भावाच्या घरी सोन्याचे दागिने ठेवले होते. हळदीच्या कार्यक्रमाला गेल्यानंततर गोरे हा घरात शिरला. त्याने कपाटातील जवळपास अडीच लाख रुपयांचे दागिने लंपास केले.
महिला आणि तिचा भाऊ घरी परतल्यानंतर त्यांना कपाटातील दागिने चोरीला गेल्याचे लक्षात आले. त्यांनी तात्काळ सिंहगड रोड पोलीस ठाण्यात तक्रार दाखल केली. पोलिसांनी तपास सुरू केला. पोलिसांना खबऱ्यांमार्फत माहिती मिळाल्यानंतर त्यांनी गोरे याला ताब्यात घेतले. दागिने चोर हा नवरदेवाचा बाप निघाल्याने या घटनेची परिसरात जोरदार चर्चा होत आहे.
