मुंबई (प्रतिनिधी हितेश मिस्त्री) – अमली पदार्थ प्रकरणात मुंबईतील सुप्रसिद्ध ‘मुच्छड पानवाला’चे सहसंस्थापक रामकुमार तिवारी यांना अटक करण्यात आली आहे. चौकशीनंतर एनसीबीनं ही कारवाई केली आहे.
मलबार हिल परिसरात ‘मुच्छड पानवाला’ हे प्रसिद्ध दुकान आहे. पान खाण्यासाठी बॉलिवूड कलाकार, उद्योगपती व व्यावसायिकांचा इथे सतत राबता असतो. हे दुकान चालवणारे रामकुमार व जयशंकर दोघेही कोट्यधीश आहेत. त्यापैकी रामकुमार याला एनसीबीच्या पथकानं अटक केली आहे.
एनसीबीने शनिवारी खार व वांद्रे परिसरात छापे दोन दलाल बहिणींसह तिघांना ताब्यात घेतले होते. त्यात ब्रिटनमधील एका अनिवासी भारतीय नागरिकाचा समावेश होता. त्यांच्याकडून २०० किलो ड्रग्ज देखील जप्त करण्यात आले होते. या ब्रिटिश नागरिकाने लंडनहून मुंबईला अमली पदार्थ पुरवले होते. या तिघांच्या चौकशीतून ‘मुच्छड पानवाला’ हे नवा समोर आले होते.
एनसीबीनुसार, ब्रिटिश नागरिक व या दोन्ही बहिणी उच्चवर्गीय आहेत. हे तिघेही श्रीमतांना अमली पदार्थ पुरवत असल्याची माहिती आहे. तसेच मुच्छड पानवाला हा देखील उच्चवर्गीयांना मालाचा पुरवठा करतो. त्याचे दुकान मुंबईतील उच्चवर्गीय श्रेणीत गणले जाते. याच पार्श्वभूमीवर तो या तिघांकडून अमली पदार्थ घेऊन त्यांचा पुरवठा श्रीमंत ग्राहकांना करीत असल्याचा संशय आहे. या सगळ्याच्या आधारे एनसीबीनं रामकुमार तिवारी यांची चौकशी केली. चौकशीनंतर तिवारी यांना अटक करण्यात आली.
