मुंबई (प्रतिनिधी हितेश मिस्त्री) – नारकॉटिक्स कंट्रोल ब्युरो (एनसीबी) पथकाकडून धरपकड होण्याची चिन्हे दिसताच एका दलालाने कोकेनच्या गिळल्याची घटना जुहू परिसरात घडली. एनसीबीने वैद्यकीय कसब पणाला लावून या गोळ्या मिळवल्या व जप्त केल्या. तसेच त्या नायजेरियन दलालाला अटक केली आहे.
या मोहिमेचे प्रमुख असलेले एनसीबी मुंबईचे विभागीय संचालक समीर वानखेडे यांनी सांगितले की, ‘इफिम्यिचुक्वू पीयूस असे नाव असलेला हा युवक जुहूतील एका पंचतारांकित हॉटेलबाहेर फिरताना दिसला. त्याच्याकडे कोकेनच्या गोळ्या असल्याची ठोस माहिती होयी. चमूने त्याला पकडताच त्याने कोकेनच्या गोळ्या गिळल्या. त्यानंतर आम्ही त्याला पकडून जेजे इस्पितळात नेऊन सीटी स्कॅन व एक्स रे केला. त्यावेळी पोटामध्ये या गोळ्या आढळल्या. वैद्यकीय पद्धतीने त्या बाहेर काढण्यात आल्या. प्रत्येकी एक ग्रॅम वजनाच्या त्या १२ कॅप्सूल्स होत्या. नवी मुंबईत पकडण्यात आलेला दलाल व हा दलाल, या दोघांसंबंधी अधिक जोमाने तपास सुरू आहे.’
