नाशिक (विशेष प्रतिनिधी) – प्रियकराने आपल्या प्रेयसीच्या १४ वर्षीय मुलीवर बलात्कार केल्याची धक्कादायक घटना निफाट तालुक्यातील बेहड येथे घडली आहे. आकाश सचिन सूर्यवंशी (वय २५) असे त्या संशयित प्रियकराचे नाव आहे. त्याच्याविरोधात पिंपळगाव बसवंत पोलीस ठाण्यात बाल लैंगिग अत्याचार आणि पोस्को अंतर्गत गुन्हा दाखल करत अटक करण्यात आली आहे.
पीडित मुलीच्या आईचे आणि आरोपीचे काही वर्षांपासून प्रेमसंबंध होते. बेहड येथील राहत्या घरात कुणी नसल्याची संधी साधत आरोपीने पीडित मुलीवर बलात्कार केला. या घटनेनंतर पीडितेला त्रास होऊ लागला. त्यामुळे तिने ही माहिती आपल्या मावशीला दिली. त्यानंतर मावशीने थेट पिंपळगाव पोलीस ठाणे गाठले आणि या प्रियकराविरोधात तक्रार दाखल केली.
पीडित मुलीने दिलेल्या फिर्यादीवरून पिंपळगाव पोलीस ठाण्यात जबाब नोंदविण्यात आला असून संशयीत आरोपी आकाश विरुद्ध पिंपळगाव बसवंत पोलीस ठाण्यात बाल लैगिक अत्याचार,पोस्को अंतर्गत गुन्हा दाखल करण्यात आला आहे. पोलिसांनी अवघ्या काही तासात संशयित आरोपीला बेड्या ठोकल्या आहेत. या प्रकरणाचा पुढील तपास सहायक पोलीस निरीक्षक पी. वाय. कादरी करत आहे.
