पुणे (प्रतिनिधी सुनिल भोसले) – अवैध सावकारकी केल्याप्रकरणी संदीप मांगडे (रा. मांगडेवाडी, कात्रज) याच्या विरोधात गुन्हा दाखल करण्यात आला आहे. सौरभ विजय धुमाळ (वय ३७, रा. वीर) यांनी या प्रकरणी फिर्याद दिली आहे.
पोलिसांनी दिलेल्या माहितीनुसार, नोव्हेंबर २०१८ रोजी मांगडे याच्याकडून धुमाळ यांनी सात टक्के व्याजाने सात लाख रुपये घेतले होते. या बदल्यात त्यांनी १४ लाख ९० हजार रुपयांची परतफेड केली. असे असतानाही आरोपीने आणखी पैशांची मागणी करत धुमाळ यांची कार फसवणूक करून वीर येथून २२ फेब्रुवारी रोजी नेली. मागणी करूनही कार परत दिली नाही. तसेच, आणखी पैशांची मागणी करत शिवीगाळ केल्याचे धुमाळ यांनी फिर्यादीत म्हटले आहे.
