औरंगाबाद (जिल्हा प्रतिनिधी दत्तात्रय मोटे) – चॉकलेटचे आमिष दाखवून एका 25 वर्षीय नराधमाने सात वर्षाच्या मुलीवर घराच्या पाठीमागे नेऊन लैंगिक अत्याचार केल्याची संतापजनक घटना घडली निलंगा तालुक्यातील शेडोळ येथे घडली. या प्रकरणी निलंगा पोलीस स्थानकात गुन्ह्याची नोंद करण्यात आली आहे.
पोलिसांनी दिलेल्या माहितीनुसार, 6 एप्रिलला दुपारी 3 च्या सुमारास अक्रम जिब्राईल मुल्ला याने घराजवळ असलेल्या दर्ग्यात खेळणाऱ्या सात वर्षीय मुलीला चॉकलेटचे आमिष दाखवून दर्ग्याच्या मागे नेते आणि तिच्यावर बलात्कार केला. अल्पवयीन मुलीने आरडाओरडा केल्यावर आरोपीने तिला धमकी देत तिथून पथ काढला.
पीडित मुलीने आपल्यासोबत झालेला प्रकार आई-वडिलांना सांगितल्यावर त्यांनी पोलीस स्थानक गाठले आणि तक्रार दाखल केली. पोलिसांनी आरोपीविरोधात 376 ए, बी, 377, 504, 506 भादवी सह कलम 4(2), 7, 8, 12 बाल लैंगिक अप्रका. 2012 कलम 3 (आय) अंतर्गत गुन्हा नोंद दाखल केला आहे. पुढील तपास उपविभागीय अधिकारी दिनेशकुमार कोल्हे हे करत आहेत.
