मेष – आजच्या दिवसातील बराच वेळ तुमची मनस्थिती चंचल राहील. महत्वाच्या कामात बेजबाबदारपणा दाखवल्याने किंवा इच्छाशक्तीच्या कमतरतेमुळे कामात नुकसान होऊ शकते. मन चंचल असले तरीही हास्यविनोद करून आजूबाजूचे वातावरण हलके फुलके ठेवण्यात यश मिळेल. आर्थिक दृष्टिकोनातून आजचा दिवस अधिक शुभफलदायी ठरेल. बसल्याबसल्या पैसे मिळण्याची शक्यता आहे. समाधानकारक उत्पन्नप्राप्ती होईल,मामाकडून पैसे मिळण्याची शक्यता आहे. नोकरीमध्ये मोठ्या पदाची प्राप्ती होण्याचादेखील योग बनत आहे.
वृषभ – आज दिवसाच्या पूर्वार्धात प्रतिकूल परिस्थिती राहील. पूर्वनियोजित कामात विलंब झाल्याने धावपळ करावी लागू शकते. पैश्यांशी संबंधित कामात एखाद्या व्यक्तीसोबत वाद उद्धभवू शकतो. आज तुम्ही आपल्या विचारात गर्क असाल. कामाच्या ठिकाणी सहकाऱ्यांच्या मनमानी कारभारामुळे तुम्हाला राग येऊ शकतो. तरीही तुम्ही मौन स्वीकारून आपले काम करत राहा अन्यथा भविष्यात मिळणाऱ्या लाभापासून वंचित राहावे लागेल. दुपारनंतर परिस्थितीत सुधारणा होईल. तुमच्या कामात अडथळे निर्माण करणाऱ्या व्यक्ती स्वतःची चूक लक्षात आल्याने ती मान्य करून तुम्हाला कामात मदत करतील. आपल्या माणसांसोबत विनाकारण वाद होऊ शकतो.
मिथुन – आज तुमच्या संपत्ती आणि सुखामध्ये वाढ होईल. तसेच राहणीमानाचा स्तरही उंचावेल. एखाद्या वृद्ध व्यक्तीकडून धनलाभ होऊ शकतो. नोकरी किंवा व्यवसायात आपले सहकर्मी किंवा भागीदार यांचे पूर्ण सहकार्य लाभेल. अपत्याकडून चांगली बातमी ऐकायला मिळू शकते. कुटुंबातील सदस्यांसोबत रुसवे फुगवे सुरू राहतील. अनावश्यक खर्चावर नियंत्रण ठेवा. मित्रमंडळींसोबत प्रवासाला जाण्याची संधी मिळेल. धनलाभ व्हावा यासाठी आळस सोडून आपली कामे करत राहा. संध्याकाळी कला आणि संगीताचा उपभोग घेता येईल.
कर्क – आज तुमच्या बेजबाबदारपणामुळे तुम्हाला नुकसान झेलावे लागू शकते. सकाळपासूनच प्रवासाची योजना बनेल. कामाच्या ठिकाणी अधिक लक्ष देऊनही कमी लाभावर समाधान मानावे लागेल. नोकरमंडळींवर गरजेपेक्षा जास्त विश्वास टाकणे धोक्याचे ठरू शकते. कामाच्या ठिकाणी चोरी किंवा इतर आळ तुमच्यावर घेतले जाऊ शकतात त्यामुळे सावधानता बाळगा. बोलण्यात कठोरपणा असल्याने घरामध्ये वादविवाद होण्याची शक्यता आहे. आर्थिक देवाणघेवाण करताना लेखी नोंद ठेवावी. संध्याकाळची वेळ तुम्हाला थकवणारी असेल. एखादे नावडते काम करावे लागू शकते. शारीरिक दुर्बलतेचा अनुभव येईल.
सिंह – आज कामाच्या ठिकाणी अधिक व्यस्त राहाल. हाती घेतलेली कामे वेळेवर पूर्ण न झाल्याने तुमची निंदा होऊ शकते. स्वभाव आळशी असल्याने आज धावपळीच्या कामापासून लांब राहण्याचा प्रयत्न कराल. तरीही आज कामाच्या ठिकाणी बरीच कामे स्वतःच्या हिमतीवर करावी लागतील. घरामध्ये मंगलकार्याच्या आयोजनामुळे मन प्रसन्न राहील. कामात व्यस्त राहाल. घनिष्ट मित्रांच्या सहकार्याने उत्पन्नाचे नवे स्रोत बनतील. पचनक्रिया मंदावेल आणि वायू संबंधित विकारांमुळे शारीरिक त्रास उद्धभवेल. खाण्यापिण्यावर नियंत्रण ठेवा.
कन्या – सरकारी कामे विलंब झाल्याने अर्धवट राहू शकतात. नवीन योजना हाती घेण्याआधी नफ्यातोट्याचा नीट विचार करावा. बौद्धिक कार्य आणि लेखन इत्यादींमुळे उत्पन्न मिळेल परंतु क्रोधापासून लांब राहा. दुपारनंतर आर्थिक बाबतीत यशप्राप्ती होईल. यात्रा पर्यटनाची योजना बनेल परंतु आज प्रवास टाळणेच फायद्याचे ठरेल. उत्पन्न वाढल्याने आणि अचानक मोठ्या प्रमाणावर पैसे हाती आल्याने मनोबल वाढेल. डोके किंवा कमरेखालील भागात दुखणे वाढण्याची शक्यता आहे. संध्याकाळच्या वेळी संपत्तीतून लाभ मिळू शकतो. भावंडांच्या मदतीने जुन्या तक्रारी दूर होतील.
तूळ – रोजगाराच्या क्षेत्रात सुरू असणाऱ्या प्रयत्नांना आज यश मिळेल. आर्थिक समस्यांपासून मुक्ती मिळेल. सार्वजनिक क्षेत्रातून चांगली बातमी ऐकायला मिळू शकते. बेरोजगार व्यक्तींना रोजगार मिळण्याची शक्यता आहे. कामाच्या ठिकाणी तुमच्या मनाविरुद्ध एखादे काम तुम्हाला मिळाल्याने कामात सहजता राहणार नाही. दिवसाच्या उत्तरार्धात कामाचा व्याप वाढल्याने कंबर किंवा इतर अवयवाचे दुखणे वाढू शकते. कौटुंबिक वातावरण खेळीमेळीचे राहील. संध्याकाळच्या वेळी धार्मिक साहित्य वाचण्यात रुची घ्याल. काही वेळ सामाजिक आयोजनात जाईल.
वृश्चिक – आज कामाच्या अतिरिक्त व्यापामुळे तुम्ही भ्रमात राहाल. कष्टाचे योग्य फळ मिळणार नाही. दुपारपर्यंत कामात येणाऱ्या अडथळ्यांमुळे निराश राहाल परंतु एखाद्या ओळखीच्या माणसाकडून मिळालेल्या सहकार्याने लाभ होईल व खर्च भागेल. संध्याकाळच्या वेळी आरोग्याच्या दृष्टीने सतर्कता बाळगणे गरजेचे आहे.अकस्मात दुर्घटना किंवा अशुभ बातमीमुळे मन दुःखी होईल.सरकारी कामात आजही निराशा पदरी पडेल. कुटुंबाच्या प्रति अधिक भावनिक व्हाल. अध्यात्माची आवड असूनही त्यासाठी वेळ देता येणार नाही.
धनू – आजचा दिवस अस्ताव्यस्त असल्याने मनोकामना अर्धवट राहू शकते. दुपारनंतर जोखमीच्या कामापासून लांब राहण्याचा प्रयत्न करा अन्यथा त्रास वाढू शकतो. संसारिक कामात व्यस्त राहिल्याने स्वतःकडे लक्ष देता येणार नाही. परंतु त्यामुळे धनलाभ झाल्याने मन समाधानी राहील. संपत्तीच्या कारणावरून घरामध्ये वादविवाद निर्माण होऊ शकतात. भावंडांमध्ये वैचारिक मतभेद निर्माण होऊ शकतो. संध्याकाळी जवळपास प्रवास करण्याचा योग तयार होत आहे. येणाऱ्या काही दिवसात आपल्या आरोग्याची विशेष काळजी घ्या.
मकर – आज दिवसाच्या पूर्वार्धात तुम्हाला आपल्या कष्टाचे योग्य फळ न मिळाल्याने मानसिक त्रास होईल. डोक्यात नवनवे विचार आल्याने एक ठोस निर्णय घेता येणार नाही. नवीन वस्तूंची खरेदी किंवा एखाद्या नव्या कामात गुंतवणूक करणे आज टाळा. कामाच्या ठिकाणी कोणाशीही वाद करू नका. पद आणि प्रतिष्ठा दोन्हीचे नुकसान होऊ शकते. दुपारनंतर परिस्थितीत सुधारणा होईल. पैश्यांची आवक वाढल्याने वित्तीय आयोजन करू शकाल. घाऊक व्यापारी आज गुंतवणूक करू शकतात पुढे लाभ मिळेल.
कुंभ – कामाच्या ठिकाणी अतिरिक्त जबाबदारी आणि धार्मिक कार्य यामुळे व्यस्त राहाल. संपत्ती आणि संपत्तीतून मिळणाऱ्या उत्पन्नात वाढ होईल. दुपारनंतर धार्मिक कार्यात रुची घ्याल. तसेच धार्मिक कार्यात उपस्थित देखील राहाल. घरातील वृद्ध माणसांकडून नवीन अनुभव मिळतील. रागापासून लांब राहा.जोडीदारासोबत वैचारिक मतभेद निर्माण होऊ शकतात. कुटुंबात एखाद्या व्यक्तीच्या आजारपणामुळे अधिक खर्च होईल व मन अशांत राहील. संध्याकाळी धार्मिक कार्यात सहभागी होण्याची किंवा धार्मिक स्थळाला भेट देण्याची संधी मिळू शकते.
मीन – आजच्या दिवसाचा पूर्वार्ध तुमच्यासाठी अपेक्षेच्या विरुद्ध राहील. उत्पन्नापेक्षा खर्च अधिक झाल्याने पैश्यांची कमतरता जाणवेल. महत्वाच्या कामासाठी कर्ज काढावे लागू शकते. धार्मिक कामात आवड निर्माण होईल. आजूबाजूच्या व्यक्तींकडून घडणाऱ्या चुकांकडे दुर्लक्ष करा. अन्यथा लहानसहान गोष्टींवरून मोठा वाद निर्माण होऊ शकतो. राजकारणात वाढत्या जनसंपर्काचा फायदा घ्या. आज संपत्ती किंवा व्यवसायात गुंतवणूक करावी लागल्यास निश्चिंत मनाने करा,पुढे फायदा होईल. कौटुंबिक संपत्तीतून उत्पन्नाचे नवे स्रोत निर्माण होतील.
