पीलीभीत (उत्तरप्रदेश) : जिल्ह्यातील बरखेडा हद्दीत . एका ऊसाच्या शेतात अल्पवयीन मुलीचा मृतदेह संशयास्पद अवस्थेत आढळून आला पोलिसांनी घटनास्थळी धाव घेत, तपास सुरू केला. अल्पवयीन मुलीवर सामूहिक बलात्कार करून तिची निर्घृण हत्या केल्याचा अंदाज प्राथमिक तपासातून व्यक्त केला जात आहे. पोलिसांनी मुलीचा मृतदेह विच्छेदनासाठी रुग्णालयात पाठवला आहे. दुसरीकडे पोलिसांनी मुलीच्या प्रियकरालाही ताब्यात घेतले आहे. प्रेम प्रकरणाच्या अँगलनेही पोलीस तपास करत आहेत.
पीलीभीतमधील बरखेडा परिसरात एका ऊसाच्या शेतात अल्पवयीन मुलीचा मृतदेह संशयास्पद स्थितीत आढळला. मुलीचा मृतदेह आढळल्याने परिसरात खळबळ उडाली. पोलिसांनी मृतदेह विच्छेदनासाठी रुग्णालयात नेला आहे. अल्पवयीन मुलीवर सामूहिक अत्याचार झाल्याची शक्यता प्राथमिक तपासानंतर व्यक्त केली जात आहे. दुसरीकडे, पोलिसांनी मुलीच्या प्रियकराला ताब्यात घेतले आहे. प्रेम प्रकरणाच्या दिशेनेही तपास सुरू करण्यात आला आहे.
मृत मुलीच्या पित्याने येथील पोलीस ठाण्यात तक्रार दाखल केली आहे. १६ वर्षीय मुलगी १३ नोव्हेंबर रोजी शिकवणी आणि स्कूलला गेली होती. नेहमीप्रमाणे ती दुपारपर्यंत घरी परत येते. मात्र, १३ नोव्हेंबरला ती संध्याकाळ झाली तरी परतली नाही. त्यानंतर याबाबत पोलिसांना माहिती देण्यात आली.
वडिलांच्या तक्रारीनुसार, मुलीचा शोध सुरू केल्यानंतर गावातील शेतात मुलीचा मृतदेह विवस्त्र अवस्थेत आढळून आला. तिच्या शरीरावर जखमा झाल्या होत्या. घटनास्थळी मुलीची बॅग आणि पुस्तके पडलेली होती. तिथेच बाजूला बीअरच्या रिकाम्या बाटल्या पडलेल्या होत्या. प्राथमिक तपासात मुलीवर सामूहिक अत्याचार झाल्याची शंका व्यक्त केली जात आहे. आरोपींनी तिच्यावर अत्याचार केल्यानंतर निर्घृण हत्या केली.
पोलिसांनी घटनेबाबत माहिती देताना सांगितले की, अल्पवयीन मुलीचा मृतदेह आढळला असून, विच्छेदनासाठी रुग्णालयात पाठवण्यात आला आहे. कुटुंबीयांच्या तक्रारीनुसार, या प्रकरणी गुन्हा दाखल केला आहे. पोलिसांची चार पथके स्थापन करण्यात आली आहेत. या घटनेचा तपास सुरू आहे. लवकरच घटनेचा उलगडा होऊन आरोपींना अटक करण्यात येईल.
