पुणे (प्रतिनिधी सुनिल भोसले) – घरात भांडण झाल्यानंतर रागाच्या भरात पतीने पत्नीच्या डोक्यात चुलीवरचा तवा घातला. यात तिचा मृत्यू झाला. पुण्यातील केशवनगर परिसरात आज, दुपारी ही घटना घडली. या घटनेमुळे परिसरात खळबळ माजली आहे.
कला आदिनारायण यादव असे ३० वर्षीय मृत महिलेचे नाव आहे. कला आणि तिच्या पतीमध्ये वाद होते. गुरुवारी दुपारीही वाद झाला. पतीने रागाच्या भरात तिच्या डोक्यात चुलीवरील तवा घातला. यात तिचा मृत्यू झाला. मांजरी रोडवरील केशवनगरात ते राहतात. या घटनेने परिसरात खळबळ उडाली.
याबाबत माहिती मिळताच हडपसर पोलीस घटनास्थळी पोहोचले. त्यांनी महिलेचा मृतदेह विच्छेदनासाठी ससून रुग्णालयात पाठवला. पत्नीची हत्या केल्याप्रकरणी पतीविरोधात हडपसर पोलीस ठाण्यात गुन्हा नोंदवण्यात येत आहे. या घटनेचा पुढील तपास हडपसर पोलीस करत आहेत.
