नवी मुंबई (प्रतिनिधी विरेंद्र म्हात्रे) – आजची उद्योग नगरी साप्तहिक च्या संपादिका कु. रुपाली वाघमारे यांचा वाढदिवस होता.नवी मुंबईतील वेगवेगळ्या सामाजिक कार्यामध्ये त्या नेहमीच सहभागी असतात स्वतःचं साप्ताहिक असल्याकारणाने परिसरातील महिलांचे व इतर सामाजिक घटकांचे प्रश्न समस्या त्या नेहमीच आपल्या वृत्तपत्राच्या माध्यमातून मांडून त्यावर मार्ग शोधण्याचा प्रयत्न करत असतात. “पत्र नव्हे शस्त्र “या वाक्य नुसार वेळोवेळी अन्यायाला वाचा फोडण्याचं काम सुद्धा त्या करतात त्यांचे स्वतःचे यूट्यूब न्यूज चैनल आणि जागरूक महाराष्ट्र या चैनल ला सुद्धा काम करत आहेत व तसेच दैनिक हिंदूसम्राट या वृत्तपत्रात पनवेल विभागाच्या प्रतिनिधी म्हणून देखिल काम करत आहेत.
विशेष महत्वाची गोष्ट म्हणजे त्यांना या कार्याची प्रेरणा त्यांचे वडील श्री मोहन वाघमारे साहेब यांच्याकडून मिळाली आहे. मोहन वाघमारे हे अग्रलेखाचा बादशहा म्हणून प्रसिद्ध असलेल्या “नवाकाळ” या वृत्तपत्राचे संस्थापक “स्वर्गीय नीळकंठ खाडिलकर यांच्यासोबतही त्यांनी काही काळ पत्रकारितेचं काम केलेले आहे .नुकताच त्यांना पत्रकार संघाकडून “ज्येष्ठ पत्रकार ” म्हणूनही त्यांना सन्मानित करण्यात आलं होतं. आणि आताही ते “आजचा सातारा सांगली ” हे साप्ताहिक चालवत आहेत.
अशाप्रकारे एक उत्कृष्ट वातावरणात पत्र पत्रकारितेची आवड जोपासलेल्या रूपाली वाघमारे यांना वाढदिवसाच्या शुभेच्छा देण्यासाठी, शिवश्री मारुती शंकर (खुटवड, जिल्हा अध्यक्ष संभाजी ब्रिगेड नवी मुंबई), शिवश्री जनार्दन चंद्रकांत (शिरावले, महानगर अध्यक्ष संभाजी ब्रिगेड नवी मुंबई), शिवश्री संतोष किसन (शिरावले, जिल्हा सचिव संभाजी ब्रिगेड नवी मुंबई), शिवश्री गणपत भिमाजी पोळ (जिल्हा संघटक संभाजी ब्रिगेड नवी मुंबई), शिवश्री संतोष सिंह परदेशी (जिल्हा संघटक संभाजी ब्रिगेड नवी मुंबई) आणि समाजसेविका कार्यकर्त्या सौ. सीमा पाटील उपस्थित होत्या. याचवेळी रूपाली वाघमारे यांनी या दिवसाचं औचित्य साधून आजची उद्योग नगरी हा दीपावली व नववर्ष 2021 चा अंक भेट दिला.
