मुंबई (प्रतिनिधी गणेश तळेकर) – फिल्म रूहीला बॉक्स ऑफिसवर मिळालेल्या यशानंतर बॉलिवूड अभिनेत्री जान्हवी कपूर खूप चर्चेत आहे. या चित्रपटातील तिचा अभिनय आणि डान्स याचं खूप कौतुक केलं जात आहे. दरम्यान सोशल मीडियावर नेहमीच सक्रिय असणाऱ्या जान्हवीनं इन्स्टाग्रामवरील एका सेशनमध्ये चाहत्यांळशी गप्पा मारली. पण यावेळी एका चाहत्यानं तिच्या किस करण्याची मागणी केली. ज्यावर जान्हवीनं त्याला ज्याप्रकारे उत्तर दिलं त्याचं सध्या सोशल मीडियावर कौतुक होताना दिसत आहे.
जान्हवी कपूरनं आपल्या चाहत्यांसाठी इन्स्टाग्रामवर नुकतंच प्रश्नोत्तरांचं सेशन ठेवलं होतं. ज्यात तिला अनेक चाहत्यांनी तिचे आगामी चित्रपट आणि तिच्या खासगी आयुष्याबाबत अनेक प्रश्न विचारले आणि जान्हवीनेही या प्रश्नांची उत्तरं दिली. पण यातील एका चाहत्यानं मात्र जान्हवीकडे एक विचित्र मागणी केली. त्यानं लिहिलं, ‘आपण किस करू शकतो का?’ आणि चाहत्याच्या या प्रश्नाला जान्हवीनं स्वतःच्या अंदाजात उत्तर सुद्धा दिलं.
जान्हवीनं चाहत्याच्या या मागणीच्या प्रश्नाचं उत्तर देताना स्वतःचा मास्कवाला फोटो इन्स्टाग्रामवर पोस्ट केला. या फोटोसोबत जान्हवीनं ‘नो’ अर्थात नाही असं लिहिलं. जान्हवीचा हा हटके अंदाज सर्वांनाच आवडला आहे. तिच्या या उत्तरामुळे सोशल मीडियावर तिचं कौतुक होताना दिसत आहे. सोबतच अशी विचित्र मागणी करणाऱ्या चाहत्याची खिल्ली उडवली जात आहे.
काही दिवसांपूर्वीच जान्हवीचा एअरपोर्टवरील एक व्हिडीओ सोशल मीडियावर व्हायरल झाला होता. या व्हिडीओमध्ये जान्हवीसोबत सेल्फी क्लिक करणाऱ्या एका चाहत्याचा मोबाईल तिच्या मॅनेजरनं हिसकावण्याचा प्रयत्न केला होता. मात्र यावर जान्हवीनं समजूतदारपणा दाखवत परिस्थिती सांभळली होती.
