कॅनबरा (ऑस्ट्रेलिया) – लोकशाहीचे मंदिर समजल्या जाणाऱ्या संसदेमध्ये खासदार आणि कर्मचाऱ्यांच्या सेक्स, हस्तमैथुनाचा व्हिडिओ समोर आला. हे व्हिडिओ लीक झाल्यानंतर संपूर्ण ऑस्ट्रेलियात तीव्र संतापाची प्रतिक्रिया उमटली असून पंतप्रधान स्कॉट मॉरिसन सरकार हादरले आहे. व्हिडिओ लीकनंतर सरकारविरोधात आंदोलन करण्यात आले.
ऑस्ट्रेलियाच्या संसदेत चित्रीत करण्यात आलेला सेक्स व्हिडिओ एका ग्रुप चॅटमध्ये शेअर करण्यात आला होता. त्यानंतर हा व्हिडिओ कोणीतरी लीक केला. हा व्हिडिओ समोर आल्यानंतर ऑस्ट्रेलियातील नागरिकांना धक्काच बसला. व्हायरल होणाऱ्या व्हिडिओमध्ये एक व्यक्ती महिला खासदाराच्या बाकाजवळ हस्तमैथुन करत असल्याचे दिसत होते.
व्हिडिओ लीक करणाऱ्या व्यक्तीचे नाव टॉम असल्याचे समोर आले आहे. त्याने सांगितले की, कर्मचारी आणि खासदारांकडून प्रार्थना कक्षाचा वापर सेक्स करण्यासाठी करण्यात येतो. सेक्ससाठी वेश्यांनाही संसदेच्या इमारतीत आणले असल्याचा धक्कादायक आरोप त्याने केला. टॉमने सांगितले की, कर्माऱ्यांमध्ये नेहमीच सातत्याने अश्लील छायाचित्रे पाठवली जात असतात. हे प्रमाण इतके वाढले की, टॉम त्याच्या आहारी गेला.
संपूर्ण देशभरात या आरोपींविरोधात जोरदार आंदोलन सुरू आहे. या आंदोलनात ऑस्ट्रेलियाच्या महिला खासदारही सहभागी झाल्या होत्या. सरकारने या प्रकरणाची संपूर्ण चौकशी करायला हवी अशी मागणी मंत्री मरिसे पायने यांनी केली. लोकांमध्ये वाढता रोष लक्षात घेऊन सरकारने या प्रकरणाची उच्चस्तरीय चौकशी करण्याचे आदेश दिले आहेत. तर, एका कर्मचाऱ्याला निलंबित करण्यात आले आहे.
