तात्काळ समस्यांवर उपाययोजना करण्यासाठी मा. आयुक्त, सोमपा यांना दिले निवेदन
सोलापूर (तालुका क्राइम रिपोर्टर वैदपाशा तडमुड) – आज दिनांक 28 मार्च 2021 रोजी आमदार प्रणिती शिंदे यांनी जुळे सोलापूर येथील म्हाडा बिल्डींग मधील कोव्हिड-19 कॉरंटाईन सेंटर येथे भेट दिली. गेल्या काही दिवसांपासून आमदार प्रणिती शिंदे यांना या कॉरंटाईन सेंटरबाबत तक्रारी येत असल्यामुळे त्यांनी आज या कॉरंटाईन सेंटरला भेट देवून तेथील समस्या जाणून घेतल्या व त्या समस्यांचे निवारण होण्याकरीता सोलापूर महानगरपालिका आयुक्त यांना निवेदनव्दारे मागणी केली.
यामध्ये सोलापूर शहरातील जुळे सोलापूर येथील म्हाडा बिल्डींगमधील 1) कॉरंटाईन सेंटरमध्ये असणाऱ्या नागरीकांचे स्वॅब घेतल्यानंतर कोरोना टेस्ट रिपोर्ट 24 तासामध्ये प्राप्त होणे गरजेचे आहे. 2) कॉरंटाईन सेंटरमध्ये जेवणाचा दर्जा निकृष्ट व अपूरे असल्याचे निदर्शनास आले आहे. तसेच नाष्टयाच्या पोह्यामध्ये किडा आढळल्याचे निदर्शनास आले आहे. तरी जेवणाचा दर्जा सुधारुण पुरेशा प्रमाणामध्ये कॉरंटाईन सेंटरमधील नागरीकांना जेवण देणे आवश्यक आहे. 3) कॉरंटाईन सेंटरमध्ये बोअरचे पाणी उपलब्ध असून तेच पाणी पिण्याकरीता देण्यात येत आहे. तरी तेथे पिण्याच्या पाण्याच्या जारची व्यवस्था करणे आवश्यक आहे. 4) कॉरंटाईन सेंटरमधील नागरीकांना अंघोळीसाठी गरम पाणी उपलब्ध करून देणे गरजेचे आहे.
याबाबत आमदार प्रणिती शिंदे यांनी सोलापूर महानगरपालिका आयुक्त यांना जुळे सोलापूर येथील म्हाडा बिल्डींग मधील कोव्हिड-19 कॉरंटाईन सेंटर मध्ये वरील समस्यांचे तात्काळ निवारण करण्याकरीता निवेदनाव्दारे मागणी केली.
