पुणे (प्रतिनिधी सुनिल भोसले) – नेहरुनगर येथील जम्बो कोव्हिड सेंटरमध्ये चोरट्यांचा सुळसुळाट सुरूच असून, जम्बो कोव्हिड सेंटरमधील मृत रुग्णाकडील दहा हजाराची रोख रक्कम आणि महत्त्वाची कागदपत्रे चोरीला गेल्याप्रकरणी गुन्हा दाखल झाला आहे.
या संदर्भात महेंद्र विश्वासराव फणसे (वय ५१, रा. टिंगरेनगर, धानोरी) यांनी पिंपरी पोलिस ठाण्यात फिर्याद दिली आहे. फणसे यांचे सासरे विजय मारुती चव्हाण यांना करोना झाल्यानंतर आठ एप्रिल २०२१ रोजी उपचारांसाठी जम्बो करोना सेंटरमध्ये दाखल करण्यात आले. उपचारांदरम्यान दुसऱ्या दिवशी (नऊ एप्रिल) त्यांचा मृत्यू झाला.
या वेळी चव्हाण यांच्याकडे असणारी दहा हजार रुपयांची रोख रक्कम, पॅनकार्ड, आधार कार्ड, पॉलिसी कार्ड, एटीएम आदी ऐवज चोरीला गेल्याचे समोर आले आहे. पिंपरी पोलिस तपास करत आहेत.
