मेष : आज तब्येतीत सुधारणा असल्याने मानसिक शांती लाभेल. परंतु दैनंदिन कार्यक्रम फिसकटलेला असेल. विचाराधीन कामे पूर्ण करताना सहकार्याची उणीव जाणवेल. कार्य व्यवसायात अपूर्ण कामे पूर्ण करण्याकडे तुमचा कल असेल. नोकरदार वर्गाला मेहनतीनंतर सुद्धा पूर्णपणे यश मिळणार नाही. मोठ्या प्रमाणात पैशांचा लाभ झाल्याने समाधान मिळेल. संध्याकाळचा वेळ कुटुंब व मित्रांबरोबर जाईल. त्यांच्यावर पैसे खर्च करू शकता.
वृषभ : आज मनोरंजनाचे मार्ग उघडतील. दिवसाच्या सुरुवातीला आळस असेल त्यामुळे दैनंदिन कामात उशीर होईल. दुपारपासून कामाला गती मिळेल. व्यावसायिक मनोरंजनाच्या मूडमध्ये असतील. तरीही काही वेळातच पूर्ण दिवसाच्या कामांची भरपाई करू शकता. घरात महत्वपूर्ण चर्चा होईल. तुमच्या विरोधात असणारे तुमच्या बाजूने उभे राहतील. संध्याकाळची वेळ इच्छापुर्तीची असेल.
मिथुन : चांगली गोष्ट घडल्याने मन शांत असेल. धर्माबद्दल प्रेम असेल परंतु एकाग्रतेत कमतरता आसल्याने दैनंदिन पूजा-पाठ सुद्धा एक व्यव्हारीकतेचा भाग बनून राहील. आज फायद्याच्या कामांमध्ये आवड असेल. तसेच सामाजिक व परोपकाराच्या कामांपासून लांब राहा. कौटुंबिक जबाबदाऱ्या पूर्ण करण्यासाठी वेळ व पैसा खर्च होईल. तब्येत व आर्थिक गोष्टींकडे दुर्लक्ष करू नका. जमीन-जुमल्यात गुंतवणूक करणे अनुकूल असेल. संध्याकाळी सामाजिक कार्यक्रमामध्ये सहभागी होण्याची संधी मिळेल.
कर्क : आजचा दिवस मध्यम फलदायी असेल. निष्काळजीपणात वाढ होऊ शकते. तब्येत व इतर बाबींकडे दुर्लक्ष केल्याने नंतर पश्चातापाची वेळ येऊ शकते. संयमाची उणीव असल्याने इच्छित फायदा होणार नाही. तुमच्या व्यवहार शून्यतेने घरातील लोकं चिंतीत असतील. कार्य व्यवसायात दुपारनंतर अनावश्यक कामांकडे मन ओढलं जाईल. खर्चावर नियंत्रण ठेवणे अशक्य होईल. घरी अचानक खर्च तसेच हट्ट पूर्ण करताना बजेट बाहेर गोष्टी जातील.
सिंह : आज नशिबाचे सहकार्य मिळेल. जीवनातील सर्वच क्षेत्रांत प्रगतीकडे वाटचाल होईल. तब्येत चांगली असल्याने विविध कामात सक्रीय सहभाग घ्याल. योग्य व्यक्ती आणि संधी मिळत राहतील. जोडीदारासोबत संसाधने एकत्र करण्यात यश मिळेल. योजनेशी संबंधित प्रस्तावास मान्यता व उत्पन्न मिळाल्याने व्यावसायिक कार्यक्रम पुढे सरकेल. संध्याकाळची वेळ मनःशांती देणारी असेल. स्वतःमध्ये दंग असाल.
कन्या : आजचा दिवस यश देणारा आहे. आज जे काही मिळवण्याची इच्छा असेल ती लढून किंवा हट्टाने मिळवण्यात यशस्वी व्हाल. कार्यक्षेत्रात विचार खूप होईल परंतु त्यातील अर्ध्याच गोष्टींवर काम होईल. व्यापार विस्ताराची योजना सहकाऱ्यांच्या कमतरतेमुळे बाद करावी लागेल. घर किंवा कार्यालयात सजावटीसाठी खर्च होईल. नवीन रूप देण्याचा विचार असेल. नोकरदार वर्गाचा दुपारनंतरचा वेळ इच्छा पूर्ण करण्यात व्यतीत होईल.
तूळ : आज धनलाभ होण्याच्या अपेक्षेने अधिक काम कराल. धनलाभ होईल परंतु सतत खर्च होत असल्याने पैसे हातात राहणार नाहीत. कार्य व्यवसायात चढ-उतार असल्याने योजना फसू शकतात. अयशस्वी झाल्यावर देखील इतरांच्या मदतीसाठी तत्पर असाल. गरजेपेक्षा अनावश्यक गोष्टींवर खर्च जास्त होईल. घरात इच्छा पुरती न झाल्याने निराश व्हाल. संध्याकाळचा वेळ अपेक्षेपेक्षा आनंदाचा असेल.
वृश्चिक : कार्यक्षेत्रात लाभाच्या संधी कमी असतील तरीही दैनंदिन गरजा भागतील एवढी कमाई निश्चितच होईल. वरिष्ठांचा तुमच्याप्रती असलेला व्यवहार अकल्पनीय असेल. जोडीदार व मुलांशी सामान्य संबंध असतील. मोठ्या व्यक्तीच्या हस्तक्षेपाने भांडणाचे समाधान निघेल. नोकरी करत असलेल्या लोकांना सहकाऱ्यांच्या सहायाने एखादी योजना पूर्ण करण्यात यश मिळेल. मित्र-प्रियजनांसोबत मनोरंजनाच्या संधी मिळतील. एकमेकांप्रती आदरभाव जागृत होईल. संध्याकाळचा वेळ मनोरंजनात जाईल.
धनू : आज घरी किंवा बाहेर कौशल्याने लोकांचे मन जिंकण्यात यशस्वी व्हाल. स्वार्थाची भावना कमी प्रमाणात असेल. परमार्थासाठी वेळ व पैसे खर्च कराल. त्याबदल्यात सन्मानात वाढ होईल. परंतु ज्येष्ठांना तुमचे वागणे नाटकी वाटेल. एकमेकांमध्ये ताळमेळ नसेल. कार्य व्यवसायात काम पूर्ण होत असताना पुढे जाऊन निराशा पदरात पडू शकते. प्रलोभनाला बळी पडून सरकारी समस्या निर्माण होऊ शकते. त्यामुळे काळजी घ्या. मित्र-नातेवाईकांशी असलेले संबंध प्रगल्भ व घनिष्ट होतील.
मकर : आज मानसिक समस्या दिवसभर त्रास देतील. मजबुरीमध्ये नावडते काम करायला लागेल. आजूबाजूचे वातावरण अशांत असेल. स्वभावात कोरडेपणा असल्याने नात्यात दुरावा येईल. पूर्वीच्या चुकांमुळे घरात भांडण होऊ शकते. त्यात रात्री उशिरापर्यंत देखील सुधारणा होईल असे नाही. व्यावसायिक कामात व्यस्त असूनसुद्धा व्यावहारिकता नसल्याने इच्छित लाभापासून वंचित राहणार. वाढती उधारीचे व्यवहार करण्यापासून परावृत्त कराल. तब्येत सुद्धा नरम गरम असेल.
कुंभ : आजपासून तुम्ही अधिक अपेक्षा ठेवाल. दैनंदिन कार्यक्रम व्यवस्थित असेल परंतु दुपारनंतर निष्काळजीपणा केल्याने व्यवस्था गडबडेल. आज या ना त्या प्रकारे धनलाभ नक्कीच होईल तरीही इच्छित पेक्षा कमी मिळाल्याने मन उदास होईल. मनमौजी स्वभावाने नातेसंबंधांमध्ये कटुता निर्माण कराल. एखाद्याला दिलेले वचन शेवटच्या क्षणी तोडल्याने भांडणाची स्थिती निर्माण होऊ शकते. कर्म-धर्मात आस्था असेल परंतु पूजा-पाठ केवळ औपचारिकता म्हणून केली जाईल.
मीन : शारीरिक व मानसिकरीत्या त्रासलेले असूनसुद्धा साहसाने जे कोणते काम कराल त्यात यश मिळेल. कार्यक्षेत्र व कुटुंबात अडचणींचा सामना करावा लागेल. धैर्याने याचा सामना करून त्यात यशस्वी व्हाल. व्यवसायाची गती सामान्य असेल परंतु चंचल स्वभावाने इच्छित लाभापासून वंचित असाल. तब्येतीत सुधारणा दिसून येईल. मौजमजेसाठी अविचाराने खर्च होईल. मुलांच्या प्रगतीने मन प्रसन्न होईल आणि लाभदायक बातमी मिळेल. गर्दीच्या ठिकाणी जाणे टाळा.
