सेंट पीटर्सबर्ग – बॉलिवूडमध्ये आपल्या अभिनयाने गाजणारी अभिनेत्री तापसी आणि तिची बहिण शगुन दोघीजणी रशियामध्ये फिरत आहेत. सध्या या दोघींचे वास्तव्य सेंट पीटर्सबर्गमध्ये आहेत. तिथे दोघी मिळून खूपच मजा करत आहेत. तापसी सध्या तिच्या ट्रीपमधील अनेक फोटो इन्स्टाग्रामवर शेअर करत आहे. कधी ती रशियामधील रस्त्यांवरून सायकल चालवताना, तर कधी एखाद्या रेस्टॉरंटमध्ये बसून कॉफीचा आस्वाद घेताना दिसत आहे. रशियामधील काही ठिकाणांना भेटी देताना तापसीने साडी परिधान केली आहे.
भारतीय साडीतील तापसी पीटर्सबर्गमधील रस्त्यांवर मस्तपैकी भटकत आहे. याचे काही फोटो तिने इन्स्टाग्रामवर शेअर केले आहेत. तापसीच्या या हटके लुकची जोरदार चर्चा सोशल मीडियावर सुरू आहे. भारतीय अस्मिता आणि संस्कृतीचे तापसी प्रतिनिधीत्व करत असल्याबद्दल तिचे कौतुक केले आहे. तर काहींनी बॉलिवूडची ‘हसीन दिलरुबा’ असलेल्या तापसीचे अनेक युझर्सनी भरभरून कौतुक केले आहे.
रशियामध्ये आल्यावर तापसीने श्रिया सरन आणि तिचा नवरा आंद्रेई कोशी यांचीही भेट घेतली आहे. ‘शिवाजी द बॉस’, ‘आवारापन’ आणि ‘मिशन इस्तांबुल’ या सिनेमांमध्ये श्रियाने काम केले होते. सध्या श्रिया आपल्या नवऱ्यासोबत स्पेनमध्ये रहात आहे. दरम्यान हे दोघेजण लवकरच पुन्हा भारतामध्ये येऊन स्थायिक होणार आहेत. तापसीने तिच्या इन्स्टाग्रामवरून श्रिया आणि तिचा नवरा आंद्रेई यांची भेट घेतल्याचे सांगितले. तसेच त्यांच्यासोबतचा सेल्फी देखील तिने पोस्ट केला आहे. फोटो पोस्ट करताना तिने लिहिले आहे की, सेंट पीटर्सबर्गमधील ही सर्वात सुंदर भेट होती. लवकरच आपण मुंबईत भेटू या.
