मुंबई (प्रतिनिधी गणेश तळेकर) : सध्या मनोरंजन क्षेत्रात वेब सीरिजचे वारे वाहत आहेत. फक्त हिंदीच नव्हे तर मराठी वेब सीरिजच्या चर्चाही आता सोशल मीडियावर होताना दिसतात. अभिनेता संतोष जुवेकर याच्या आगामी ‘हिडन’ या वेब सीरिजचंही पोस्टर नुकतच लॉन्च करण्यात आलं आहे.
संतोष जुवेकरची ही ‘हिडन’ वेब सीरिज ‘पिंग पॉंग’ याओटीटी प्लॅटफॉर्मवर रिलीज होणार आहे. नुकतंच कलाकारांच्या उपस्थितीत सोशल मीडियावर ‘हिडन’चं पोस्टर रिलीज करण्यात आलं. रहस्याची उकल करणारे चेहरे या पोस्टरवर असून सोशल मीडियावर हे पोस्टर रिलीज होताच नेटकऱ्यांमध्ये कमालीचे कुतूहल तयार झाले असून त्यांची उत्सुकता शिगेला पोहचली आहे. ‘हिडन’ मध्ये दडलंय काय? याचं रहस्य १६ जुलैला ‘पिंग पॉंग’ ओटीटीवर उलगडणार आहे.
‘हिडन’मधील भूमिकेविषयी बोलताना संतोष सांगतो की, ‘माझी ‘हिडन’मध्ये अत्यंत वेगळी भूमिका आहे. यात मी एसीपी प्रदीप राजे ही भूमिका साकारत आहे. हा अनुभव माझ्यासाठी रोमांचक आहे. प्रचंड मेहनत घेऊन आमच्या टीमने ही वेब सिरीज तयार केली आहे.
