आग्रा (उत्तरप्रदेश) : जिल्ह्यात एका तरुणीवर सामूहिक बलात्कार केल्याची घटना उघडकीस आली आहे. तरूणीला डांबून ठेवले. त्यानंतर तिच्यावर सामूहिक बलात्कार केला. आरोपींनी तरूणीला शेतात बेशुद्धावस्थेत फेकले आणि पसार झाले. आरोपींनी गुंगीचे औषध देऊन तरूणीला त्यांनी शेतावर नेले. तिथे तिच्यावर अत्याचार केले. आरोपी हे गावातीलच असल्याची माहिती समजते. कुटुंबीयांच्या तक्रारीवरून आरोपींविरोधात गुन्हा दाखल केला आहे. एका आरोपीला अटक केली आहे. तर इतर आरोपींचा शोध सुरू आहे.
बरहन पोलीस ठाण्याच्या हद्दीतील एका गावात ही घटना घडली. या गावातील एक तरूणी सोमवारी संध्याकाळी शौचालयाला गेली होती. परतत असताना रस्त्यात दुचाकीवरून आलेल्या दोघांनी तिचा पाठलाग केला आणि तिला पकडले. गुंगीचे औषध देऊन तिला बेशुद्धावस्थेत शेतावर नेले. तिथे तिला डांबले आणि तिच्यावर बलात्कार केला.
पीडितेने सांगितले की, प्रतिकार केल्यानंतर आरोपींनी तिला धमकावले. तिच्या भावाला जीवे मारण्याची धमकी दिली. बलात्कारानंतर बेशुद्धावस्थेत तरूणीला शेतात फेकून आरोपी पसार झाले. दुसरीकडे तरूणी रात्रभर घरी न आल्याने कुटुंबीय चिंतेत होते. तिचा सर्वत्र शोध घेण्यात आला. तरूणी शुद्धीवर आल्यानंतर मंगळवारी सकाळी ती घरी गेली. तिने आपल्यासोबत घडलेला सर्व प्रकार कुटुंबीयांना सांगितला. त्यानंतर कुटुंबीयांनी पोलीस ठाण्यात तक्रार दाखल केली. पोलिसांनी तक्रारीच्या आधारे पोलीस ठाण्यात गुन्हा दाखल केला. पोलिसांनी एका आरोपीला अटक केली आहे.
घटनेची माहिती मिळताच पोलिसांनी तपास सुरू केला. पोलीस अधिकारी घटनास्थळी पोहोचले. फॉरेन्सिक पथकाला बोलावून पुरावे गोळा केले. पीडित तरुणीची वैद्यकीय तपासणी करण्यात आली. लवकरच अन्य एका आरोपीला अटक करण्यात येईल, अशी माहिती पोलिसांनी दिली.
