पंढरपूर (तालुका प्रतिनिधी प्रकाश इंगोले) : मंगळवेढा शहरालगत असलेल्या एमआयडीसीमध्ये अनेक लोकांनी व्यवसायासाठी जागे घेतले आहेत मात्र त्या जागेवर व्यवसाय सुरू न करता शेड मारून फक्त जागा गुंतवून ठेवल्या आहेत अशा लोकांना नोटीसा काढून त्या जागा परत घ्या,व तात्काळ व्यवसाय करणाऱ्यांना जागा उपलब्ध करून द्या अशा सूचना आमदार समाधान आवताडे यांनी एमआयडीसीच्या अधिकाऱ्यांना दिल्या ते मंगळवेढा येथील शासकीय विश्रामगृहात आयोजित केलेल्या अधिकाऱ्यांच्या व व्यावसायिकांच्या बैठकीत बोलत होते यावेळी व्यासपीठावर नगरपालिकेचे विरोधी पक्षनेते अजित जगताप,भाजपचे जिल्हा संघटक शशिकांत चव्हाण, जिल्हा नियोजन समितीचे सदस्य प्रदीप खांडेकर, सुरेश भाकरे, तानाजी काकडे प्रकाश आप्पा गायकवाड औदुंबर वाडदेकर यांचे सह एमआयडीसीचे अधिकारी उपस्थित होते
यावेळी पंढरपूरच्या एमआयडीसी बाबत अधिकाऱ्यांनी माहिती देताना सांगितले की जागा हस्तांतर करून घेण्याची प्रक्रिया सुरू असून संयुक्तिकरित्या मोजणी करून लवकरच जागा हस्तांतर करून घेण्यात येईल यावेळी आमदार समाधान आवताडे यांनी लवकरात लवकर जागा हस्तांतरण करून घेण्याच्या सूचना संबंधित अधिकाऱ्यांना दिल्या
यावेळी बोलताना ते म्हणाले की एकूण 94 हेक्टर जागा ही एमआयडीसीसाठी आरक्षित आहे त्यामधील 40 हेक्टर जागेवर सोलर कंपनी असून उर्वरित जागा या व्यवसायासाठी अनेक व्यावसायिकांनी घेतल्या पण व्यवसाय सुरू केले नाहीत अशांना नोटीस काढून दोन महिन्याची मुदत द्या जे दोन महिन्यात व्यवसाय सुरू करत नाहीत त्यांच्या जागा परत घ्या व नवीन व्यवसाय सुरू करू पाहणाऱ्या लोकांसाठी खुल्या करा त्याचबरोबर पाण्याची सोय करा, दिवाबत्ती, विजेची सोय या सर्व बाबींकडे गांभीर्याने लक्ष देऊन येथील एमआयडीसी मध्ये लोकांच्या हाताला काम मिळेल असे नियोजन करून त्वरित व्यवसायिकांना जागावाटप करण्याच्या सूचना देत आमदार समाधान आवताडे यांनी पंढरपूर एमआयडीसीच्या कामाचाही आढावा घेतला .
