मुंबई (प्रतिनिधी लक्ष्मण राजे) – नेरुळ येथील यशवंतराव चव्हाण प्रतिष्ठान नवी मुंबई केंद्रातर्फे यशवंतराव चव्हाण साहेबांच्या ३६ व्या पुण्यतिथीचे औचित्य साधून ” जेष्ठ नागरिक संघ नेरुळ ” यांना ‘ यशवंतराव चव्हाण गौरव पुरस्कार – २०२०’, नेरुळ येथील जेष्ठ नागरिक भवनातील श्री. गणेश सभागृहात दिनांक २५.११.२०२० रोजी प्रदान करण्यात आला.
कोरोना महामारीच्या प्रादुर्भावाचे सामाजिक भान ठेवून अनौपचारिक व साधेपणाने प्रतिष्ठानचे नवी मुंबई केंद्राचे अध्यक्ष प्रमोद कर्नाड व सचिव डॉ. अशोक पाटील यांनी संघास मानपत्र व रुपये १५०००/- चा धनादेश गौरवार्थ प्रदान केले. संघाच्या वतीने अध्यक्ष अरविंद वाळवेकर, कोषाध्यक्ष विकास साठे, उपाध्यक्ष प्रभाकर गुमास्ते व नंदलाल बैनर्जी, सल्लागार प्रकाश लखापते यांनी त्याचा स्वीकार केला.
जेष्ठ नागरिकांचे स्वास्थ्य आणि सर्वांगीण विकासासाठी गेली २५ वर्षे अविरतपणे कार्य करत असलेले तसेच जेष्ठ नागरिकांचे प्रेरणास्थान आणि आधारस्तंभ ठरलेल्या या संघास हा पुरस्कार मिळाल्याने एक वेगळाच उत्स्फूर्त उत्साह कार्यक्रमात होता. जेष्ठ नागरिक संघाचे रुग्ण सेवा केंद्राचे कार्य लक्षात घेऊन आवश्यक त्या विविध प्रकारच्या वैद्यकीय साहित्य खरेदी करण्यासाठी रुपये एक लाख ( रु. १,०००००/- ) चा धनादेश प्रतिष्ठान तर्फे देण्याचे अध्यक्ष प्रमोद कर्नाड यांनी जाहीर केले व सचिव डॉ. अशोक पाटील यांनी सदर धनादेश संघाच्या पदाधिकाऱ्यांना सुपूर्द केला.
या छोटेखानी समारंभाला माननीय सभागृह नेते आणि नगरसेवक रविंद्र इथापे , प्रा.वृषाली मगदूम , सुभाष हांडे देशमुख , आबा रणवरे , भालचंद्र माने , आदी मान्यवर व मोजकेच जेष्ठ नागरिक उपस्थित होते. तसेच यशवंतराव चव्हाण
प्रतिष्ठानच्या अमरजा चव्हाण यांनी संघास दिलेल्या मानपत्राचे सुंदरपणे वाचन केले. शेवटी अजीत मगदूम यांनी उपस्थितांचे यथोचित आभार मानले.
कोरोनाच्या प्रादुर्भावाचे भान ठेवून आणि योग्य ती काळजी घेऊन सर्वश्री दत्ताराम आंब्रे, दिपक दिघे, दिलीप जाधव, विलास सावंत, दत्तात्रय म्हात्रे, सीमा आगवणे, सुचित्रा कुंचमवार यांनी अपूर्व मेहनत घेऊन कार्यक्रम यशस्वी केला. अशी माहिती सुभाष हांडे देशमुख यांनी दिली.
