या पराभवानंतर भारतानं गमावली मालिका
सिडनी – सलग दुसऱ्या सामन्यात भारतीय संघावर ५१ धावांनी मात करुन ऑस्ट्रेलियाने वन-डे मालिकेत २-० अशी विजयी आघाडी घेतली आहे. सिडनीच्या मैदानावर ३९० धावांच्या आव्हानाचा पाठलाग करताना भारतीय संघ ३३८ धावांपर्यंतच मजल मारु शकला. भारताकडून विराट कोहली, लोकेश राहुल आणि अन्य फलंदाजांनी चांगले प्रयत्न केले. अपेक्षित धावगती कायम न राखल्यामुळे टीम इंडियाला ३९० धावांचं डोंगराएवढं आव्हान झेपलं नाही. यानंतर भारतीय संघानं एकदिवसीय मालिका गमावली. परंतु यानंतर मात्र भारतीय संघाचे प्रशिक्षक रवी शास्त्री मात्र ट्रोल झाले.
दरम्यान, मालिका गमावल्यानंतर एका युझरनं त्यांचा एक जुना फोटो शेअर केला. या फोटोमध्ये ते मैदानातच ड्रेसिंग रूममध्ये झोपल्याचं पाहायला मिळत आहे. तर एका युझरनं रवी शास्त्री यांना नोटपॅड घेऊन कधी पॉईंट्स तयार करताना पाहिलं नसल्याचं म्हटलं. तर काही युझर्सनं भारतीय संघाचे माजी प्रशिक्षक अनिल कुंबळे यांचीदेखील आठवण काढली.
http://https://twitter.com/saidbyabhi/status/1333016398893699072?ref_src=twsrc%5Etfw%7Ctwcamp%5Etweetembed%7Ctwterm%5E1333016398893699072%7Ctwgr%5E%7Ctwcon%5Es1_&ref_url=https%3A%2F%2Fwww.loksatta.com%2Fkrida-news%2Findia-tour-of-australia-indian-cricket-team-lost-2nd-odi-in-sydney-head-coach-ravi-shastri-trolled-virat-kohli-twitter-users-jud-87-2341322%2F
भारतीय संघाकडून शिखर धवन आणि मयांक अग्रवाल जोडीने चांगली सुरुवात केली. परंतg अर्धशतकी भागीदारी केल्यानंतर दोन्ही फलंदाज माघारी परतले. यानंतर कर्णधार विराट कोहली आणि श्रेयस अय्यरने महत्वपूर्ण भागीदारी करत संघाचा डाव सावरला. सुरुवातीला दोन्ही फलंदाजांनी मैदानावर स्थिरावण्याला प्राधान्य दिला. परंतू यानंतर ऑस्ट्रेलियन फलंदाजांनी दोघांना फारसे मोठे फटके खेळण्याची संधी दिली नाही. श्रेयस अय्यरला बाद करत हेन्रिकेजने भारताची जोडी फोडली, त्याने ३८ धावा केल्या. यानंतर लोकेश राहुल आणि विराट कोहली यांची जोडी जमली. यादरम्यान विराटने आपलं अर्धशतकही पूर्ण केलं.
