वर्धा (जिल्हा प्रतिनिधी मनोज बाचले) – तिन महिन्यांपासून सारी सर्व्हेक्षणाचे काम करणाऱ्या शिक्षक – शिक्षकेत्तर कर्मचाऱ्यांना तसेच बऱ्याच कालावधीपासून नोडल अधिकारी म्हणून काम करणाऱ्या सर्व शिक्षक/ शिक्षकेत्तर कर्मचाऱ्यांना तात्काळ कार्यमुक्त करा या मागणीसाठी मंगळवार दि. 22 डिसेंबर 2020 ला जिल्हाधिकारी व उपविभागीय अधिकारी यांना निवेदन देण्यात आले.
यावेळी वर्धा जिल्हा मुख्याध्यापक संघाचे जिल्हाध्यक्ष सतीश जगताप, उपाध्यक्ष रामेश्वर लांडे, शिक्षक परिषदेचे नागपूर विभागीय सहकार्यवाह अजय वानखेडे, कार्यवाह सुरेश रोठे, विदर्भ माध्यमिक शिक्षक संघाचे कार्यवाह महेंद्र सालंकार , जूनी पेन्शन हक्क संघटनेचे जिल्हा सचिव तथा विदर्भ माध्यमिक शिक्षक संघाचे व वर्धा जिल्हा शिक्षण समन्वय समितीचे जिल्हा प्रसिद्धी प्रमुख प्रमोद खोडे उपस्थित होते. यावेळी उपविभागीय अधिकारी सुरेश बगळे यांनी बुधवारी जिल्हाधिकारी यांचेशी चर्चा करून सर्वांना कार्यमुक्त करण्याचे आश्वासन दिले
