हैदराबाद – ऑल इंडिया मजलिस ए इत्तेहादुल मुस्लीमीन नेता असद खान यांची गुरुवारी अज्ञातांनी निर्घृण हत्या केलीय. ही घटनावट्टापल्ली क्षेत्रातील मैलारदेवपल्ली पोलीस स्टेशनच्या परिसरात घडली.
४० वर्षीय असद खान हे हैदराबादमध्ये एआयएमआयएम पक्षाचे स्थानिक नेते होते. वट्टापल्ली क्षेत्रातून आपल्या बाईकवर जात असताना काही अज्ञात हल्लेखोरांनी त्यांना भररस्त्यात रोखलं. काही कळण्याच्या आतच हल्ले असद खान यांच्यावर धारदार हत्यांरांनी हल्ला चढवला. भरदिवसा ही रस्त्यातच हत्या करून हल्लेखोर घटनास्थळावरून पसार झाले. शास्त्रीपुरम रोडवर एका सार्वजनिक हॉलजवळ ही घटना घडली.
वाट्टापल्ली हा परिसर एआयएमआयएम प्रमुख असदुद्दीन ओवैसी यांचा गड मानला जातो. याच परिसरात असद खान यांच्यावर हल्ला झाल्यानंतर त्यांना उस्मानिया रुग्णालयात हलवण्यात आलं. परंतु, डॉक्टरांनी त्यांना मृत घोषित केलं. असद खान यांनाही यापूर्वी एका हत्या प्रकरणात अटक करण्यात आली होती. तसंच त्यांच्यावरही इतरही काही गंभीर स्वरुपाचे गुन्हे दाखल होते.
पोलिसांनी दिलेल्या माहितीनुसार, मृत असद खान याचंही गुन्हेगारी वर्तुळात नाव होतं. त्यामुळे ही हत्या आपापसांतील वर्चस्ववादाच्या किंवा जुन्या शत्रुत्वामुळे झाली असावी, असा पोलिसांचा कयास आहे. पोलीस या घटनेचा अधिक तपास करत आहेत. हल्लेखोरांची ओळख पटवण्यात अद्याप पोलिसांना यश आलेलं नाही.
