बदायू (उत्तर प्रदेश) – गुजरातमधील जलाभिषेकाच्या घटनेनंतर उत्तर प्रदेशातही अशाच प्रकारची एक घटना उघडकीस आलीय. उत्तर प्रदेशच्या बदायू जिल्ह्यातील मुस्लीम धर्मगुरु हजरत अब्दुल हमीद मोहम्मद सालिमुल कादरी यांच्या निधनानंतर त्यांच्या अंत्ययात्रेसाठी मोठी गर्दी उसळलेली दिसली. या गर्दीतही कोरोना नियमांचा धुव्वा उडाला. अनेक जण या अंत्ययात्रेत मास्कशिवाय सहभागी झाले होते. तर सोशल डिस्टन्सिंगचाही कुठेही पत्ता नव्हता.
ही घटना समोर आल्यानंतर पोलिसांनी अज्ञातांविरोधात गुन्हा दाखल केला आहे. वरिष्ठ पोलीस अधीक्षक संकल्प शर्मा यांनी सोमवारी दिलेल्या माहितीनुसार, मुस्लीम धर्मगुरु हजरत अब्दुल हमीद मोहम्मद सालिमुल कादरी यांचा रविवारी मृत्यू झाला. त्यांच्या निधनाच्या बातमीनंतर त्यांचे अनेक अनुयायी अंत्ययात्रेसाठी बदायूमध्ये गोळा झाले होते. यावेळी, करोना नियमांची पायमल्ली झालेली दिसून आली.
बदायूँ में जनाजे में भीड़ का वीडियो हुआ वायरल। कोरोना संक्रमण के बीच इस तरह की तस्वीर डराती है। देश-दुनिया के हालात देखने के बाद भी क्या डर नहीं लगता? pic.twitter.com/TneR651TX9
— sanjay tripathi (@sanjayjourno) May 10, 2021
पोलिसांनी वेगवेगळ्या कलमांखाली अज्ञातांविरोधात गुन्हा दाखल केला आहे. अंत्ययात्रेचे व्हिडिओ पाहून पुरावे गोळा केले जात आहेत.कादरी यांच्या मृत्यूनंतर त्यांच्या पार्थिवाच्या अंत्यदर्शनासाठी आणि अंत्ययात्रेसाठी हजारोंच्या संख्येनं लोक गोळा झालेले सोशल मीडियातून समोर आलेल्या व्हिडिओतून दिसून येत आहे. राज्य सरकारच्या कोविड नियमांनुसार, अंत्यसंस्कारासाठी केवळ २० जणांना सहभागी होण्याची परवानगी आहे.
