मुंबई (प्रतिनिधी गणेश तळेकर) – जातिवाचक संवाद असलेली ध्वनिचित्रफीत प्रसारित करणारी अभिनेत्री मूनमून दत्ताविरोधात अंबोली पोलिसांनी अनुसूचित जाती, जमाती अत्याचार प्रतिबंधक कायद्यानुसार(अॅट्रॉसिटी अॅक्ट) गुन्हा नोंदवला. तारक मेहता का उल्टा चष्मा या मालिके त दत्ता प्रमुख भूमिका साकारते आहे.
.काही दिवसांपूर्वी मुनमुनने आपल्या इन्स्टाग्राम अकाऊंटवर एक व्हिडीओ शेअर केला होता. यात तिने जातीवाचक शब्दांचा उल्लेख करत अपमानजनक वक्तव्य केलं होतं. त्यामुळे तिच्या विरोधात हरियाणामधील हांसीमध्ये गुन्हा नोंदविण्यात आला होता. त्यानंतर आता मुंबईत तिच्याविरोधात अनुसूचित जाती जमाती अत्याचार प्रतिबंध नियम (अॅट्रोसिटी अॅक्ट) 2015 अंतर्गत गुन्हा दाखल करण्यात आला आहे. वाल्मीकी विकास संघाचे अध्यक्ष नरेश बोहिल यांच्या तक्रारीवरून पोलिसांनी ही कारवाई केली. बोहिल यांच्या तक्रारीनुसार ११ मेला दत्ता यांची एक ध्वनिचित्रफीत पाहण्यात आली. त्यात जातिवाचक संवाद होते. त्यामुळे वाल्मीकी समाजाच्या भावना दुखावल्या
मुनमुनने व्हिडीओत एका जातीवाचक शब्दाचा वापर केला होता. ‘मी युट्यूबवर येणार आहे आणि मला चांगले दिसायचे आहे. मला कुण्या *** सारखे दिसायचे नाही,’ असे मुनमुन या व्हिडीओत म्हणताना दिसली़. तिचा हा व्हिडीओ क्षणात व्हायरल झाला आणि तो पाहताच लोकांनी तिला फैलावर घेतले. प्रकरण अंगलट येण्याची चिन्हे दिसताच मुनमुनने माफी मागितली. व्हिडीओतील एका शब्दाचा चुकीचा अर्थ काढला गेला. कुणाचाही अपमान करण्याचा, त्यांना धमकावण्याचा, कुणाच्याही भावना दुखावण्याचा माझा हेतू नव्हता. भाषेच्या अडचणीमुळे मी तो शब्द चुकीचा अर्थाने घेतला. पण माझी चूक लक्षात आणून देताच मी तो शब्द मागे घेतला. माझ्या मनात प्रत्येक जातीधर्माबद्दल समाजाबद्दल पूर्ण आदर आहे. अजानतेपणी झालेल्या या चुकीसाठी मी सर्वांची माफी मागते. मी कुणाच्याही भावना दुखावल्या असतील तर दिलगीरी व्यक्त करते, असे तिने तिच्या माफीनाम्यात लिहिले होते.
