कोलंबो : भारताविरुद्धच्या वनडे आणि ट्वेन्टी-२० मालिकेसाठी श्रीलंकेने आपला संघ जाहीर केला आहे. या सामन्यांसाठी श्रीलंकेच्या संघाचे कर्णधारपद दासुन शनाकाकडे सोपवण्यात आले आहे, त्याचबरोबर धनंजय डिसिल्वा हा संघाचा उपकर्णधार असेल. भारत आणि श्रीलंका यांच्यामध्ये तीन वनडे आणि तीन ट्वेन्टी-२० सामन्यांची मालिका खेळवण्यात येणार आहे.
Sri Lanka 🇱🇰 squad for the 3-match ODI series & the 3-match T20I series against India 🇮🇳 – https://t.co/qVd9nJxpau#SLvIND pic.twitter.com/9gqEGVlM79
— Sri Lanka Cricket 🇱🇰 (@OfficialSLC) July 16, 2021
श्रीलंकेचा वनडे आणि ट्वेन्टी-२० मालिकेसाठीचा संघ दासुन शनाका (कप्तान), धनंजय डिसिल्वा (उप कप्तान), अविस्का फर्नान्डो, बी राजापक्षे, पी, निशनाका, सी असालंका, वनिंदु हसारंगा, ए बंदारा, एम भानुका, एक उदारा, आर मेंडिस, सी करुणारत्ने, बी फर्नान्डो असा आहे.
यापूर्वी भारत आणि श्रीलंका यांच्यातील एकदिवसीय सामना दुपारी २.३० मिनिटांनी सुरु होणार होता. पण आता हे तिन्ही एकदिवसीय सामने दुपारी ३.०० वाजता सुरु होणार आहेत. भारत आणि श्रीलंका यांच्यातील तीन ट्वेन्टी-२० सामने हे रात्री ७.३० वाजता सुरु होणार होते. या सामन्यांच्या वेळांमध्येही आता बदल करण्यात आले आहे. हे तिन्ही ट्वेन्टी-२० सामने आता रात्री ८.०० वाजता सुरु होणार आहेत. भारत आणि श्रीलंका यांच्यातील पहिला एकदिवसीय सामना १८ जुलैला होणार आहे. दुसरा सामना २० आणि तिसरा सामना २३ जुलैला खेळवण्यात येणार आहे. भारत आणि श्रीलंका यांच्यातील पहिला ट्वेन्टी-२० सामना २५ जुलैला खेळवण्यात येणार आहे. त्याचबरोबर अन्य दोन ट्वेन्टी-२० सामने २७ आणि २९ जुलैला होणार आहेत. यापूर्वी भारत आणि श्रीलंका यांच्यातील मालिकेला १३ जुलैपासून सुरुवात होणार होती. पण श्रीलंकेच्या संघातील काही सदस्य करोनाबाधित झाले होते. त्यामुळे हा दौरा रद्द होणार की काय, अशी परिस्थिती निर्माण झाली होती. पण आता हे सामने पुढे ढकलण्यात आले आहेत. त्यानुसार आता नवीन वेळापत्रकही बनवण्यात आले असून नवीन वेळेनुसार हे सर्व सामने खेळवण्यात येणार आहेत.
