शिर्डी (प्रतिनिधी तुषार महाजन) : शिवसेनेचे जिल्हाप्रमुख रावसाहेब खेवरे हे राहुरी,देसवंडी येथील ग्रामस्थांसह दरवर्षी शिर्डी येथे गुरुपौर्णिमे निमित्ताने श्री साईबाबांचे पायी पालखी सोहळ्याचे आयोजन करीत असतात.
याही वर्षी कोरोना संसर्गांमुळे ही पालखी अत्यंत सध्या पद्धतीने व कोरोना नियमांचे पालन करून आज शिर्डीत दाखल झाली यावेळी शिर्डीचे नगराध्यक्ष शिवाजी गोंदकर व शिवसेना नेते कमलाकर कोते यांनी या पालखीचे स्वागत केले. यावेळी श्री खेवरे यांचे समवेत राहुरीचे नगरसेवक मुन्नासेठ तनपुरे,राजूभाऊ गुंजाळ,विजयराव मुथा,अमृतराव उदावंत,यासह अनिल पवार,संतोष जाधव,रवी सोनवणे आदींसह पालखी पदयात्री उपस्थित होते.
