महिला ५१ किलो गटात कोलंबियाच्या इन्ग्रिट व्हॅलेन्सियाकडून पराभूत
टोकियो : ऑलिंम्पिकची आजच्या दिवसाची सकाळ भारतासाठी पदकाची आशा घेऊन उगवली होती. मात्र आजच्या दिवसाच्या दुसऱ्या टप्प्यात भारताला मोठा धक्का बसला. लंडन ऑलिम्पिक स्पर्धेतील कांस्यपदक विजेत्या मेरी कोमला पराभवाचा धक्का बसला. ३८ वर्षीय मेरी कोमने कोलंबियाच्या प्रतिस्पर्धीला कडवी टक्कर दिली, परंतु भारताच्या दिग्गज बॉक्सरचा टोकियो ऑलिंम्पिकमधील प्रवास इथेच संपला.
मेरीकोमनं सहावेळा जागतिक स्पर्धेचे जेतेपद पटकावले आहे. पदकाची दावेदार मानली जाणारी मेरीकोम चार मुलांची आई आहे. त्यातील दोन मुले जुळी. एका मुलाला २०१३ ला जन्म दिला. २०१८ ला मेरीकोमने मुलगी दत्तक घेतली.
Mary Kom, you win every time a young girl picks up a pair of boxing gloves! 🥊
Take a bow, champ! 🙌#BestOfTokyo | #UnitedByEmotion | #StrongerTogether | #Tokyo2020 @MangteC pic.twitter.com/cDuqoz0h0q
— #Tokyo2020 for India (@Tokyo2020hi) July 29, 2021
महिलांच्या ४८-५१ किलो वजनी गटाच्या उपउपांत्यपूर्व फेरीत मेरीसमोर कोलंबियाच्या इंग्रीट लोरेना व्हिक्टोरियाचे आव्हान होते. इंग्रीटनं रिओ ऑलिम्पिक स्पर्धेत कांस्यपद नावावर केले आहे. पहिल्या फेरीत इंग्रीटनं आक्रमक खेळ करताना ४-१ अशी बाजी मारली. मेरीनं डिफेन्सिव्ह खेळावरच भर दिला.
A legend's campaign ends today 💔#IND's MC Mary Kom bids the Olympic stage adieu after a 3-2 split decision loss to Rio 2016 bronze medallist, Ingrit Valencia 🥊#StrongerTogether | #UnitedByEmotion | #Boxing | #Tokyo2020 | @MangteC pic.twitter.com/MgjKvWnbRN
— #Tokyo2020 for India (@Tokyo2020hi) July 29, 2021
दुसऱ्या फेरीत मेरीकडून पलटवार झाला. जबरदस्त पदलालीत्य अन् जोरदार ठोसे मारून मेरीनं प्रतिस्पर्धीला बॅकफूटवर पाठवले. मेरीनं या फेरीत ३-२ अशी बाजी मारली. तिसऱ्या फेरीत कडवी टक्कर झाली. पण कोलंबियाची खेळाडू दमलेली पाहायला मिळाली. मेरीच्या आक्रमकतेसमोर तिला तग धरणे अवघड झाले. पण, अखेरच तिनेच बाजी मारली.
