टोकियो : ४१ वर्षानंतर देशाला ऑलिम्पिक पदक मिळाले. भारताच्या या विजायनंतर देशात सोशल मीडियापासून ते रस्त्यावर लोकांनी जल्लोष सुरू केला. अशात टोकियोत विजयाचा आनंद साजरा करणाऱ्या भारतीय संघाला एक सरप्राइझ कॉल आला.
भारताचा कर्णधार मनप्रीत सिंग आणि मुख्य प्रशिक्षक ग्राहम रीड यांना थेट दिल्लीतून फोन आला. हा फोन अन्य कोणाचा नाही तर देशाचे पंतप्रधान नरेंद्र मोदी यांचा होता. मनप्रीतने PM मोदींचा फोन स्पिकरवर ठेवला होता. भारतीय संघातील अन्य एका खेळाडूने याचा व्हिडिओ शुट केला.
The Captain and Coach of the Indian Men’s Hockey Team🏑 🇮🇳 had a surprise caller after their historic victory this morning in #Tokyo2020
Listen in and send in your wishes as the country celebrates an #Olympics medal in hockey after 41 years👏🏼🎉
And don’t forget to #Cheer4India pic.twitter.com/XU0VNXeSMw
— SAIMedia (@Media_SAI) August 5, 2021
मोदींनी फोनवरून मनप्रीत सिंग, कोच ग्राहम रीड यांचे अभिनंदन केले. ते म्हणाले, भारतीय संघाचे खुप खुप अभिनंदन, तुम्ही आणि संपूर्ण संघाने फार शानदार काम केले. संपूर्ण देश आनंदाने नाचत आहे. तुम्ही खुप मेहनत घेतली. त्यामुळे हे शक्य झाले. माझ्यावतीने सर्व खेळाडूंना शुभेच्छा द्या. १५ ऑगस्ट रोजी सर्वजण भेटणार आहोत.
