नैरोबी : भारताच्या शैली सिंगने वर्ल्ड अंडर २० अँथलेटिक्स चॅम्पियनशिपमध्ये कमाल केली असून लांब उडीत शैलीने देशाला रौप्यपदक जिंकून दिले. शैलीचे सुवर्णपदक केवळ एका सेंटीमीटरने हुकले.
झांसीच्या शैली सिंगने ६.५९ या नव्या राष्ट्रीय विक्रमासह रौप्यपदक जिंकले. ती भारताची दिग्गज अँथलेटिक्स अंजू बेबी जॉर्जच्या बेंगळुरू येथील अकादमीत सराव करते. या स्पर्धेत स्वीडनच्या १८ वर्षीय माजाने ६.६० मीटर सह सुवर्णपदक जिंकले. या चॅम्पियनशिप स्पर्धेत पदक जिंकणारी शैली तिसरी भारतीय खेळाडू आहे.
Third medal for #India at the #WorldAthleticsU20
LONG JUMPER SHAILI SINGH WINS
A SILVER MEDAL with a jump of 6.59mEuropean Champion Maja Askag of Sweden takes home Gold with a leap of 6.60m, a centimetre better!
Super proud of you #ShailiSingh, well done Champ! pic.twitter.com/hkAsQoiPTH
— Athletics Federation of India (@afiindia) August 22, 2021
या स्पर्धेत एक वेळ अशी होती जेव्हा शैली सुवर्णपदकाच्या शर्यतीत सर्वात पुढे होती. पण ज्युनियर युरोपियन चॅम्पियन असलेल्या माजाने चौथ्या प्रयत्नात ६.६० इतकी लांब उडी मारली आणि सुवर्णपदक पटकावले.
