मुंबई (संपादक सुनिल पाटील) : महसूल गुप्तचर संचालनालयाने (डीआरआय) शुक्रवारी तीन कोटी रुपयांचे परकीय चलन जप्त केले. छत्रपती शिवाजी महाराज आंतरराष्ट्रीय विमानतळावर ही कारवाई झाली. या कारवाईत दोन आरोपींना ताब्यात घेण्यात आले आहे.
भारताबाहेर विदेशी चलनाची तस्करी करणारे काही प्रवासी परकीय चलन घेऊन येणार असल्याची गुप्त माहिती डीआरआयला मिळाली होती. यानुसार या पथकाने विमानतळ परिसरात सापळा रचला होता. संशयित प्रवाशांची तपासणी केली असता त्यांच्याकडून ३.७ कोटी रुपयांचे अमेरिकन डॉलर आणि सौदी दिरहम जप्त करण्यात आले.
हे परकीय चलन विशिष्ट डिझाइन केलेल्या बॅगमध्ये खालील बाजूस दडवण्यात आले होते. या प्रकरणी अधिक तपास सुरू असल्याचे डीआरआयच्या सूत्रांनी सांगितले.
