मोठ्या बहिणीनेच करवला ४ प्रियकरांकडून लहान बहिणीवर सामूहिक बलात्कार

gang-rape

लखनऊ (उपसंपादक सय्यद गुलाम हुसैन) : राज्यातील लखीमपूर खेरी एका अल्पवयीन मुलीच्या मृत्यूचे गूढ पोलिसांनी उकलले आहे. सामूहिक बलात्कार आणि हत्येच्या या घृणास्पद घटनेत मोठ्या बहिणीसह सात आरोपींना पोलिसांनी अटक केली आहे. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.

पोलिसांनी दिलेल्या माहितीनुसार, उत्तर प्रदेशच्या लखीमपूर खेरी इथं हा प्रकार उघड झाला आहे. मोठ्या बहिणीने आधी तिच्या चार प्रियकरांना लहान बहिणीवर सामूहिक बलात्कार करण्यास सांगितलं आणि नंतर तिची गळा आवळून हत्या केली. या घटनेनंतर सर्वांनी मृतदेह उसाच्या शेतात टाकून पळ काढला. या गुन्हा घडल्यापासून मोठी बहीण गप्पच राहिली. पण अशात पोलिसांनी कडक चौकशी केली असता तिने संपूर्ण प्रकरणाचा उलगडा केला.

दरम्यान, २८ जून रोजी सदर कोतवाली परिसरातील रामापूर चौकीतील एका गावात उसाच्या शेतातून अल्पवयीन तरुणाचा मृतदेह सापडला होता. याप्रकरणी सदर कोतवाली इथे कलम ३०२ नुसार खुनाचा गुन्हा दाखल करून आरोपींचा शोध सुरू करण्यात आला. पोलिसांना या प्रकरणी यश आले असून या हत्येतील सात जणांना पोलिसांनी अटक केली आहे.

याबाबत पोलीस अधीक्षक संजीव सुमन यांनी सांगितले की, मृताच्या मोठ्या बहिणीचे गावातीलच ४ लोकांशी शारीरिक संबंध होते आणि मयत किशोरी आपल्या मोठ्या बहिणीला विरोध करत होती. त्यामुळे दोघींमध्ये वाद सुरू होता. २८ जूनला मृताची मोठी बहीण तिला सोबत घेऊन उसाच्या शेतात शौचास गेली. यावेळी मोठ्या बहिणीनेही पूर्ण प्लॅनिंग करून चार प्रियकरांना शेतात बोलावलं. त्यांच्यासोबत आणखी दोन तरुणही आले. यानंतर गावातील ४ तरुणांनी मोठ्या बहिणीसमोर पीडितेवर एकामागून एक बलात्कार केला. धक्कादायक बाब म्हणजे जेव्हा मुलीवर बलात्कार होत होता तेव्हा तिच्या मोठ्या बहिणीने स्वतः तिचा हात धरला होता.

LEAVE A REPLY

Please enter your comment!
Please enter your name here