शिर्डी (प्रतिनिधी संजय महाजन) : देशात दारू आणि अंमली पदार्थांच्या व्यसनाने ग्रस्त असलेल्या लोकांसाठी चालवल्या जाणाऱ्या व्यसनमुक्ती केंद्रांची राज्यनिहाय माहिती काय आहे?गेल्या पाच वर्षांत या केंद्रांमध्ये दाखल झालेल्या व्यसनाने ग्रस्त व्यक्तींची संख्या, आणि सदर व्यसनाने ग्रस्त असलेल्या व्यक्तींच्या कुटुंबांना इतर कोणतीही आर्थिक मदत किंवा इतर मदत दिली जाते का याबाबतची विचारणा शिर्डी मतदारसंघाचे खासदार भाऊसाहेब वाकचौरे यांनी लोकसभेत लेखी प्रश्न विचारून केली.
त्यांच्या प्रश्नाला उत्तर देत सामाजिक न्याय आणि सक्षमीकरण राज्यमंत्री श्री बी.एल. वर्मा यांनी देशात ३५० व्यसनमुक्ती केंद्रे असून महाराष्ट्रांत ४३ केंद्रे असल्याची माहिती देवून गेल्या पाच वर्षात या केंद्रांचा लाभ घेतलेल्या व्यक्तींची राज्यनिहाय यादी दिली असता सन 2023-2024 मध्ये सहा लाख सहा हजार एकशे सदूसष्ट ( 606167) इतकी संख्या असलयाचे स्पष्ट करून महाराष्ट्रांत त्याची संख्या 11973 इतकी असून उपचारादरम्यान एकात्मिक व्यसनमुक्ती पुनर्वसन केंद्रे (IRCA) आणि जिल्हा व्यसनमुक्ती केंद्रे (DDAC) मध्ये अल्कोहोल आणि अंमली पदार्थांच्या व्यसनाने ग्रस्त असलेल्या व्यक्तींच्या कुटुंबांना समुपदेशन सेवा पुरवल्या जात आहेत.
अंमली पदार्थांच्या व्यसनाने ग्रस्त असलेल्या व्यक्तींना डिस्चार्ज दिल्यानंतर, त्यांच्या कुटुंबियांना आणि मुलांचे त्यांच्या घरी समुपदेशन केले जाते.विभागाने नवचेतना मॉड्यूल (शालेय मुलांसाठी जीवन कौशल्ये आणि औषध शिक्षणाची नवीन जाणीव) शिक्षक प्रशिक्षण मॉड्यूल विकसित केले आहे. नवचेतना नवचेतना मॉड्यूलचा उद्देश शाळांमध्ये मुलांमध्ये ड्रग्जविरुद्ध जागरूकता निर्माण करणे आणि जीवन कौशल्ये आणि ड्रग्ज शिक्षणाला प्रोत्साहन देणे आणि पालक आणि कुटुंबांसाठी ड्रग्ज शिक्षण आणि माहिती सत्रांना प्रोत्साहन देणे आहे. असे सामाजिक न्याय आणि सक्षमीकरण राज्यमंत्री श्री बी.एल. वर्मा यांनी आपल्या उत्तरात नमूद केले .
