पुणे (उपसंपादक मीरा आरेकर) : सांस्कृतिक कार्य विभाग आणि सांस्कृतिक कार्य संचालनालय आयोजित प्रयोगात्मक कला प्रकारापैकी एक असलेली पारंपारिक लावणी ह्या कला प्रकाराचे प्रशिक्षण शिबीर दिनांक १५ मार्च ते २५ मार्च २०२५ या दरम्यान सुरू झाले आहे.
या पारंपरिक लावणी प्रशिक्षण शिबिराला जेष्ठ लावणी सम्राज्ञी शंकुतला नगरकर यांनी प्रशिक्षणार्थी विद्यार्थ्यांना पारंपारिक लावणीचे प्रात्यक्षिक दाखविले. त्यामध्ये बैठकीची लावणी, छक्कड, शृंगारीक लावणी, आदी कला प्रकार प्रशिक्षणार्थी विद्यार्थीना शिकविले.
सावित्रीबाई फुले विद्यापीठातील स्त्री अभ्यास केंद्रातील विभाग प्रमुख श्रीमती अनघा तांबे मँडम यांनी या शिबीराला हजेरी लावून पारंपारिक लावणीचे काय महत्व आहे. याबद्दल मार्गदर्शन केले . लावणी का जोपासली पाहिजे, तसेच एक स्री कलावंत म्हणुन शिक्षणही कसे महत्वाचे आहे. याबद्दल त्यांनी आपले स्पष्ट मत व्यक्त केले. समाजामध्ये आपली स्त्री म्हणुन नाही, तर कलाकार म्हणुन ओळख तयार करा. लावणी विषयाची निवड काळजी पूर्वक करा असा सल्ला ही श्रीमती तांबे यांनी दिला. या शिबिराचे संचालक म्हणून रेश्मा परितेकर यांनी जबाबदारी घेतली आहे.
