कल्याण (महाराष्ट्र राज्य क्राइम रिपोर्टर प्रविण जाधव) । कामगार हितासाठी लढणाऱ्या शिवजनरल कामगार सेना संघटनेच्या कल्याण डोंबिवली विभागात आज नवीन कार्यकारी संघटनेची उत्साहात घोषणा करण्यात आली. संघटनेचे अध्यक्ष सुशील भाई कारखानीस आणि सरचिटणीस घनश्याम भाई नाईक यांच्या शुभहस्ते ही महत्त्वाची घोषणा करण्यात आली.
कार्यकारिणीत अनेक अनुभवी आणि उत्साही कार्यकर्त्यांना नवीन जबाबदाऱ्या देण्यात आल्या आहेत. नवनियुक्त पदाधिकाऱ्यांची नावे पुढीलप्रमाणे : कल्याण शहर अध्यक्ष: हरेश इंगळे, कल्याण डोंबिवली शहर अध्यक्ष : राज मालपाणी, सरचिटणीस: प्रवीण काशीबाई सदुसिंग जाधव, चिटणीस : विनेश महाडिक, महिला अध्यक्ष : सौ. सईदाताई सिद्दीकी.
यावेळी बोलताना, संघटनेचे अध्यक्ष सुशील भाई कारखानीस यांनी नवनियुक्त पदाधिकाऱ्यांचे अभिनंदन केले आणि कामगार वर्गाच्या न्याय-हक्कासाठी अधिक जोमाने कार्य करण्याच्या शुभेच्छा दिल्या. या नवीन कार्यकारी संघटनेमुळे कल्याण डोंबिवली विभागातील कामगार प्रश्नांना अधिक गती मिळेल, असा विश्वास संघटनेच्या सरचिटणीस घनश्याम भाई नाईक यांनी व्यक्त केला. नवनियुक्त पदाधिकाऱ्यांनी आपल्या नियुक्तीबद्दल आनंद व्यक्त करत, संघटनेचे ध्येय आणि उद्देश पूर्ण करण्यासाठी आम्ही कटिबद्ध राहू, अशी ग्वाही दिली.
