इस्लामाबाद – वैमानिकांना प्रशिक्षण देणारे पाकिस्तान हवाई दलाचे विमान आज दुर्घटनाग्रस्त झाले. ही घटना पिंडीघेब येथे घडली असून वैमानिक सुरक्षितपणे बाहेर आल्याचे वृत्तात म्हटले आहे. या घटनेची चौकशी करण्यासाठी समिती नेमली असून त्याच्या अहवालानंतरच अपघाताचे कारण स्पष्ट होईल, असे हवाई दलाच्या अधिकाऱ्याने म्हटले आहे.
पाकिस्तान एअरफोर्सने निवेदनात म्हटले की, हवाई दलाचे विमान नियमित प्रशिक्षणादरम्यान पिंडीघेब येथे कोसळले. यावेळी कोणताही प्राणहानी झाली नाही. अपघातानंतर वैमानिक सुरक्षितपणे बाहेर आला आणि जमीनीवरही कोणत्याही प्रकारच्या हानीचे वृत्त नाही.
