भारतीय सौर ३ कार्तिक शके १९४२, निज आश्विन शुक्ल नवमी सकाळी ७.४१ पर्यंत, चंद्रनक्षत्र: धनिष्ठा उत्तररात्री ४.२२ पर्यंत, चंद्रराशी : मकर दुपारी ३.२५ पर्यंत, सूर्यनक्षत्र: स्वाती, सूर्योदय: सकाळी ६.३७, सूर्यास्त: सायं. ६.०७, चंद्रोदय: दुपारी २.३५, चंद्रास्त: उत्तररात्री २.१४.
आजचे शुभ मुहूर्त
अभिजित मुहूर्त : सकाळी ११ वाजून ४२ मिनिटे ते १२ वाजून २७ मिनिटे.
विजय मुहूर्त : दुपारी ०१ वाजून ५७ मिनिटे ते ०२ वाजून ४२ मिनिटे.
निशिथ काळ : रात्रौ ११ वाजून ४० मिनिटे ते १२ वाजून ३१ मिनिटे.
अमृत काल : सायंकाळी ०५ वाजून १४ मिनिट ते ०६ वाजून ५७ मिनिटे.
गोधुलि मुहूर्त : सायंकाळी ०५ वाजून ३० मिनिटे ते ०५ वाजून ५४ मिनिटे.
रवि योग : संपूर्ण दिवस.
आजचे अशुभ मुहूर्त :
राहु काळ : सायंकाळी ०४ वाजून ३० मिनिटे ते ०६ वाजेपर्यंत.
यमगंड : दुपारी १२ वाजेपासून ते ०१ वाजून ३० मिनिटे.
गुलिक काळ : दुपारी ०३ वाजून ३० मिनिटे ते सायंकाळी ०४ वाजून ३० मिनिटे.
दुर्मुहूर्त काळ : सायंकाळी ०४ वाजून १२ मिनिटे ते ०४ वाजून ५७ मिनिटे.
दिनविशेष : महानवमी, विजया दशमी, दसरा, नवरात्रोत्थापन, श्रीसाईबाबा पुण्यतिथी, शिर्डी, धम्मचक्र प्रवर्तन दिन
आजचे राशिभविष्य
मेष : आपल्या चांगुलपणामुळे लोकांना आपलेसे कराल. आपल्या स्वभावाप्रमाणे परोपकार करण्यात दिवस व्यतीत होईल. कार्यक्षेत्रातील बदल आपल्या हिताचा ठरू शकेल. केवळ आपल्या कामावर लक्ष केंद्रीत करून कार्यरत राहावे. दिवसाचा उत्तरार्ध उत्तम असेल.
वृषभ : आपली मानसिकता उत्तम जपा. आजचा दिवस शुभ असू शकेल. कुटुंबासोबत संस्मरणीय काळ व्यतीत होऊ शकेल. दुपारनंतर एखादी आनंदवार्ता मिळू शकेल. आरोग्याची विशेष काळजी घेणे हिताचे ठरेल. सायंकाळी पाहुण्यांचे आगमन मन प्रसन्न करणारे ठरेल. लाभ मिळू शकतील.
मिथुन : आपल्या सर्व मनोकामना पूर्ण होतील. वडिलधारी व्यक्तींचे शुभाशिर्वाद प्राप्त होतील. मात्र, दिवस काहीसा व्यस्त राहण्याची शक्यता आहे. अनावश्यक खर्चांवर नियंत्रण ठेवून बचतीच्या योजना अमलात आणण्यावर भर देणे हिताचे ठरेल. दिवसाच्या उत्तरार्धात वाहन चालवताना वेगावर नियंत्रण ठेवावे. मन प्रसन्न राहील. जोडीदाराचे उत्तम सहकार्य लाभेल.
कर्क : घरामधील वातावरण प्रसन्न राहील. आजचा दिवस शुभ असेल. धनलाभाचे योग जुळून येऊ शकतील. कोषवृद्धीचे संकेत. भाग्याची उत्तम साथ लाभेल. व्यवसायिक योजनांना गती प्राप्त होऊ शकेल. मान, सन्मान, प्रतिष्ठा वाढेल. भावनिक निर्णय घेणे टाळावे. आध्यात्मिक आवड वाढीस लागेल.
सिंह : आपल्या बोलण्याने लोकांचे समाधान होईल. आपली एखादी महत्त्वाकांक्षा पूर्ण होऊ शकेल. राजकीय क्षेत्रातील व्यक्तींना लाभाचा दिवस. मुलांच्या जबाबदाऱ्या पार पाडाल. स्पर्धा परीक्षांमध्ये यश मिळेल. प्रलंबित कामे मार्गी लागतील. अपचनाचे त्रास संभवतात. आरोग्याची काळजी घ्यावी. आहारावर नियंत्रण ठेवावे. दिवसाचा उत्तरार्ध उत्तमरित्या व्यतीत होईल.
कन्या : घरामध्ये नवीन मोठ्या वस्तूची खरेदी कराल. आजचा दिवस विशेष असेल. कार्यक्षेत्रात कौतुक, प्रशंसा होईल. कौटुंबिक वातावरण आनंदी व उत्साही राहील. रचनात्मक कार्याची गोडी वाढेल. मात्र, वादविवादाच्या प्रसंगात रागावर नियंत्रण ठेवणे हिताचे ठरेल. दिवसाच्या उत्तरार्धात अचानक लाभाचे योग आहेत. एखाद्या समस्येचे निराकरण होऊ शकेल.
तुळ : आपल्याला समाधान देणाऱ्या आनंदी वार्ता समजतील. उत्तमोत्तम संधी प्राप्त होण्याचा दिवस. शिक्षण क्षेत्रातील व्यक्तींना चांगला दिवस. स्पर्धा परीक्षांमध्ये यश मिळू शकेल. मिळकतीचे नवे स्रोत मिळू शकतील. संवादकौशल्यामुळे विशेष मान, सन्मान मिळतील. दिवसभरात काहीशी धावपळ झाल्यामुळे थकवा जाणवेल. मोसमी आजार त्रस्त करू शकतील. आरोग्याची काळजी घेणे हिताचे ठरू शकेल.
वृश्चिक : बरेच दिवसापासून अडून राहिलेले काम पूर्ण होईल. आपल्या मनाप्रमाणे कामे पार पडू शकतील. भाग्याचे संपूर्ण सहकार्य लाभेल. आर्थिक स्थिती उत्तम राहील. मान, सन्मान, कीर्ती वृद्धिंगत होईल. जुनी येणी वसूल होऊ शकतील. मात्र, बोलताना तारतम्य ठेवावे. प्रियजनांच्या भेटीचे योग. रागावर नियंत्रण ठेवावे. दिवसाचा उत्तरार्ध उत्तमरित्या व्यतीत होऊ शकेल.
धनु : मानसिक समाधान लाभेल. आजचा दिवस खास असू शकेल. गृहपयोगी वस्तूंची खरेदी कराल. भौतिक सुखात वाढ होऊ शकेल. नोकरदार वर्गाला दिलासादायक दिवस. मात्र, काही समस्यांना सामोरे जावे लागू शकेल. आर्थिक व्यवहार करताना सावधगिरी बाळगून करावेत. विरोधक, हितशत्रू पराभूत होतील.
मकर : चांगल्या कामासाठी पैसे खर्च होतील. व्यापारी वर्गाला लाभदायक दिवस. मन प्रसन्न राहील. आर्थिक पक्ष सुदृढ होऊ शकेल. व्यवसायात एखादा महत्त्वाचा निर्णय घ्यावा लागू शकेल. कौटुंबिक जबाबदाऱ्या उत्तमरित्या पार पाडाल. स्पर्धा परीक्षांमध्ये अपेक्षित यश मिळू शकेल. वाहन चालवताना योग्य खबरदारी घ्यावी. अचानक खर्चात वाढ संभवते.
कुंभ : सूर्य देवतेची उपासना करा. मध्यम फलदायी दिवस. एकीकडे लाभ, तर दुसरीकडे व्यय, अशी स्थिती निर्माण होऊ शकेल. धावपळीचा परिणाम आरोग्यावर होऊ शकेल. अचानक खर्च संभवतात. खरेदी-विक्रीचे व्यवहार करताना सर्व गोष्टी व्यवस्थित तपासून घेणे हिताचे ठरू शकेल. दिवसाच्या उत्तरार्धात बहुतांश समस्यांचे निराकरण होऊ शकेल. मानसिक शांतता आणि प्रसन्नता लाभेल.
मीन : मनातील दूषित गोष्टींना हद्दपार करा. वैवाहिक जीवन सुखमय असू शकेल. मन प्रसन्न राहील. छोटे प्रवास संभवतात. व्यवसाय वाढीमुळे समाधान लाभेल. विद्यार्थ्यांसाठी अनुकूल दिवस. दिवसाच्या उत्तरार्धात महत्त्वाची माहिती हाती लागू शकेल. आई-वडिलांचे शुभाशिर्वाद प्राप्त होऊ शकतील.
