भारतीय सौर ११ कार्तिक शके १९४२, निज आश्विन कृष्ण द्वितीया उत्तररात्री १.१३ पर्यंत, चंद्रनक्षत्र : कृत्तिका रात्री ११.४८ पर्यंत, चंद्रराशी : वृषभ, सूर्यनक्षत्र: स्वाती, सूर्योदय: सकाळी ६.४०, सूर्यास्त: सायं. ६.०४, चंद्रोदय: सायं. ७.२१, चंद्रास्त: सकाळी ७.५६.
आजचे शुभ मुहूर्त :
अभिजित मुहूर्त : सकाळी ११ वाजून ४२ मिनिटे ते १२ वाजून २७ मिनिटे.
विजय मुहूर्त : दुपारी ०१ वाजून ५५ मिनिटे ते ०२ वाजून ३९ मिनिटे.
निशिथ काळ : रात्रौ ११ वाजून ३९ मिनिटे ते १२ वाजून ३१ मिनिटे.
गोधुलि मुहूर्त : सायंकाळी ०५ वाजून २४ मिनिटे ते ०५ वाजून ४८ मिनिटे.
अमृत काळ : रात्रौ ०९ वाजून ०९ मिनिटे ते १० वाजून ५६ मिनिटे.
सर्वार्थ सिद्धी योग : रात्रौ ११ वाजून ५० मिनिटे ते सकाळी ०६ वाजून ३५ मिनिटे.
आजचे अशुभ मुहूर्त :
राहु काळ : सकाळी ०७ वाजून ३० मिनिटे ते ०९ वाजेपर्यंत.
यमगंड : सकाळी १० वाजून ३० मिनिटे ते दुपारी १२ वाजेपर्यंत.
गुलिक काळ : दुपारी ०१ वाजून ३० मिनिटे ते ०३ वाजेपर्यंत.
दुर्मुहूर्त काळ : दुपारी १२ वाजून २६ मिनिटे ते ०१ वाजून ११ मिनिटे आणि ०२ वाजून ३९ मिनिटे ते ०३ वाजून २३ मिनिटे.
दिनविशेष: औद्योगिक सुरक्षा दिन.
राशिभविष्य
मेष : बोलताना मुद्दा स्पष्ट मांडा. आपल्या बोलण्याने कोणाची फसगत होऊ देऊ नका. कार्यक्षेत्रात नवीन अधिकार प्राप्त होऊ शकतील. रोजगार क्षेत्रात सकारात्मकता येईल. रचनात्मक कार्याची आवड वाढीस लागेल. विवाहाची बोलणी पुढे सरकतील. मित्रांशी मतभेद संभवतात. विद्यार्थ्यांना काही समस्यांचा सामना करावा लागू शकेल. राजकीय क्षेत्रातील व्यक्तींना लाभदायक दिवस.
वृषभ : आपले मानसिक आरोग्य बिघडवू नका. अति महत्वाचे निर्णय थोडा वेळ घेऊन करा. गृहपयोगी वस्तूंची खरेदी कराल. वडिलधाऱ्या व्यक्तींचा सल्ला मोलाचा ठरू शकेल. अधिकारी वर्गाकडून कौतुक होईल. कुटुंबातील सदस्यांकडून सकारात्मक वार्ता मिळतील. पालकांच्या आरोग्याची काळजी घ्यावी. मानसिक शांतता लाभेल.
मिथुन : खेळ व कला यामध्ये वर्चस्व राहील. अनपेक्षित खर्च पुढे उभे ठाकतील. राजकीय मान, सन्मानाचे योग. सामाजिक प्रतिष्ठा वृद्धिंगत होईल. व्यापारी वर्गाला भागीदारीतून लाभ मिळेल. कुटुंबातील सदस्यांचा सल्ला मोलाचा ठरेल. नवीन कराराच्या संधी प्राप्त होऊ शकतील. परदेशाशी संबंधित कार्यांत यश मिळू शकतील. आप्तेष्टांची असलेले नातेसंबंध सुधारतील.
कर्क : आपले हितचिंतक नीट पारखून घ्या. डोळे झाकून कोणावर विश्वास ठेवू नका. प्रलंबित जुनी येणी वसूल होऊ शकतील. कार्यक्षेत्रातील परिवर्तन सकारात्मक ठरू शकेल. राजकीय क्षेत्रातील व्यक्तींना लाभदायक दिवस. विद्यार्थ्यांना उच्च शिक्षणाचे मार्ग प्रशस्त होतील. जोडीदाराचा सल्ला उपयुक्त ठरेल. विवाहासाठी नवीन स्थळे येतील. दिवसाचा उत्तरार्ध उत्तम असेल.
सिंह : आपली स्वप्ने सत्यात उतरतील. आरोग्याकडे दुर्लक्ष करू नका. प्रिय व्यक्तींच्या भावनांचा आदर करून त्याप्रमाणे कृती करण्याचा प्रयत्न केल्यास समाधान मिळेल. कुटुंबातील सदस्यांचा सल्ला भविष्यात उपयुक्त तसेच लाभदायक ठरेल. दुकान, कार्यालयात टीमवर्कचे महत्त्व पटेल. रोजगार क्षेत्रातील अस्थिरतेमुळे मन विचलित होऊ शकेल. समस्यांचे निराकरण होईल.
कन्या : घरामध्ये शांतता लाभेल. दिवसाचा उत्तरार्ध आनंदी जाईल. ऊर्जा आणि उत्साहाने दिवसाची सुरुवात होईल. कार्यक्षेत्रात मनाप्रमाणे झालेला बदल आनंदाची अनुभूती देऊ शकेल. मन प्रसन्न राहील. कार्यालयात महिला सहकाऱ्यांचे उत्तम सहकार्य मिळेल. विद्यार्थ्यांना दिलासादायक दिवस. कौटुंबिक वातावरण सुखद, आनंदी आणि सकारात्मक असेल. जोखीम पत्करून कामे करू नयेत. नवीन ओळख लाभदायक ठरेल.
तुळ : आपल्या स्वतःसाठी खर्च होईल. प्रतिस्पर्ध्याकडे दुर्लक्ष होऊ देऊ नका. ज्येष्ठ आणि तज्ज्ञ व्यक्तींच्या गाठीभेटीचे योग. व्यापारी वर्गाला प्रगतीकारक दिवस. प्रतिमा, प्रतिष्ठा वृद्धिंगत होईल. नवीन कार्यारंभ करताना सर्व बाबी नीट तपासून घ्या. प्रलंबित कामे मार्गी लागतील. मान, सन्मान मिळतील. संवाद कौशल्याने कामे काढून घ्या. जागा, वाहन खरेदीचे योग.
वृश्चिक : सार्वजनिक क्षेत्रात काम करून लोकांची वाहवा मिळवाल. आनंदाची अनुभूती घ्याल. मानसिक शांतता व प्रसन्नता लाभेल. आध्यात्मिक आवड वाढीस लागेल. कार्यक्षेत्रातील जबाबदाऱ्या यशस्वीरित्या पार पाडाल. व्यापारी वर्गाला भाग्याची भक्कम साथ लाभू शकेल. गुंतवणुकीसाठी उत्तम कालावधी. विद्यार्थ्यांना मान, सन्मान प्राप्त होतील.
धनु : जुन्या आरोग्याच्या तक्रारींकडे लक्ष द्या. नोकरीमध्ये कामामध्ये पूर्ण लक्ष द्या. संमिश्र घटनांचा दिवस. कुटुंबातील सदस्यांची मतभेद होऊ शकतात. व्यापारी वर्गाने हितशत्रूंच्या कारवायांकडे दुर्लक्ष करू नये. कार्यक्षेत्रात आपली मते विचारात घेतली जातील. गृहपयोगी वस्तूंची खरेदी कराल. अनावश्यक खर्चांवर नियंत्रण ठेवावे.
मकर : स्वप्नातील गोष्टी सत्यात उतरवाल. संघर्षातून गोष्टी प्राप्त कराल. विवाहाची बोलणी पुढे सरकतील. नवीन स्थळे येऊ शकतील. मिळकतीचे नवे स्रोत उपलब्ध होऊ शकतील. आर्थिक स्थिती मजबूत होऊ शकेल. व्यापारात नवीन गुंतवणूक लाभदायक ठरू शकेल. विद्यार्थ्यांना काही समस्यांना सामोरे जावे लागेल. कुटुंबातील सदस्यांचे उत्तम सहकार्य लाभेल. पालकांचे शुभाशिर्वाद लाभतील.
कुंभ : नवीन खरेदीचे निर्णय लांबणीवर टाकाल. व्यवहारात गल्लत करू नका. राजकीय क्षेत्रातील व्यक्तींना यशकारक दिवस. व्यापारातील स्पर्धेत बाजी माराल. आध्यात्मिक आवड वाढीस लागेल. चांगल्या गोष्टीसाठी पैसे खर्च होऊ शकतील. कीर्ती वृद्धिंगत होईल. नवीन ऊर्जा आणि उत्साह संचारेल. आरोग्यात सुधारणा दिसून येईल.
मीन : प्रतिस्पर्ध्याच्या उत्तराने अनेक प्रश्न मार्गी लागतील. नोकरीत मान, सन्मान मिळेल. प्रलंबित येणी प्राप्त होऊ शकतील. रोजगारासंदर्भात सुखद वार्ता मिळू शकतील. व्यापारात कामानिमित्तचे प्रवास यशकारक ठरतील. विवाहाची बोलणी पुढे सरकतील. अचानक खर्चात वाढ होऊ शकेल. मुलांकडून शुभ वार्ता मिळतील. चिंतामुक्ती आणि प्रसन्नतेचा अनुभव घ्याल. कुटुंबासोबत उत्तम वेळ व्यतीत होऊ शकेल.
