सोलापूर (जिल्हा प्रतिनिधी विजयकुमार दिवाणजी) – औसा तालुक्यातील लिंबाळा दाऊ येथे दुपारी तीनच्या सुमारास उसाचे ट्रॅक्टर हे शिवारातून ऊस भरून कारखान्याकडे जात असताना लिंबाळा चौकात या ट्रॅक्टरखाली आसल्याने एका तेरा वर्षाच्या मुलाचा दुर्दैवी मृत्यू झाला.
कृष्णा भानुदास शिंदे असे त्या मुलाचे नाव असून तो ऊस तोडण्यासाठी चालू ट्रॅक्टर वर चढत असताना त्याचा पाय घसरून ट्रॅक्टरच्या चाकाखाली सापडल्याने त्याचा जागीच मृत्यू झाला.
लिंबाळा येथे सध्या तणावाचे वातावरण निर्माण झाले आहे. मयताच्या नातेवाईकांनी औसा लिंबाळ रस्ता पूर्णपणे बंद केला आहे. घटना घडून तीन तास उलटले तरी पोलीस घटनास्थळी हजर नव्हते, या घटनेमुळे लिंबाळा परिसरात हळहळ व्यक्त केली जात आहे.
