मुंबई (प्रतिनिधी गणेश तळेकर) – देशभरात प्रतिष्ठेचे मानले जाणारे साहित्य अकादमीचे पुरस्कार जाहीर झाले आहेत. यंदा दोन मराठी लेखकांना हे पुरस्कार पटकावण्यात यश आलं आहे. मराठीमध्ये नंदा खरे -कादंबरी उद्या आणि आबा महाजन- आबाची गोष्ट (बालसाहित्य) या दोन लेखकांना पुरस्काराने सन्मानित करण्यात येणार आहे.
नागपूरचे नंदा खरे यांच्या ‘उद्या’ या कादंबरीला मराठीसाठी सन 2020 चा साहित्य अकादमी पुरस्कार जाहीर झाला. मराठीसाठी सतीश काळसेकर, वसंत आबाजी डहाके आणि डॉ निशिकांत मिरजकर यांनी परीक्षक म्हणून काम पाहिले.
दरम्यान, देशभरात साहित्य अकादमीच्या पुरस्कारांना मोठं महत्त्व आहे. 20 भाषांसाठी आज वार्षिक साहित्य अकादमी पुरस्कारांची घोषणा करण्यात आली आहे. यामध्ये 4 कांदबरी, 5 कथा संग्रह, 7 कविता संग्रह, 2 नाटकं, एक-एक संस्मरण आणि महाकाव्यांचा समावेश आहे.
