मुंबई (प्रतिनिधी गणेश तळेकर) – मराठमोळी अभिनेत्री सोनाली कुलकर्णी चाहत्यांची अत्यंत लाडकी आहे. तिने तिच्या उत्कृष्ट अभिनयाने प्रेक्षकांच्या मनात जागा निर्माण केली. सोनालीच्या अनोख्या सौंदर्याने ती प्रेक्षकांच्या मनावर राज्य करतेय. तिच्या आरसपाणी रूपाने घायाळ न झालेला असा एखादाच असेल. ‘बकुळा नामदेव घोटाळे’ या चित्रपटातून प्रेक्षकांच्या भेटीला आलेली सोनाली आता प्रेक्षकांची आवडती बनली आहे. नुकतेच तिने तिचे काही फोटो सोशल मीडियावर पोस्ट केले आहेत आणि बघता बघता त्या फोटोंवर लाईक आणि कमेंटचा पाऊस पडला आहे. त्याच प्रमाणे ती सोशल मीडियावरही सक्रिय असते.
सोनालीने आपल्या अभिनयातील कारकिर्दीत अनेक हिट चित्रपट दिले. तिने नुकतेच तिचे साडीतील फोटो तिच्या इन्स्टाग्राम अकाउंटवर शेअर केले. या फोटोंमध्ये सोनाली अत्यंत सुंदर दिसत आहे. जणू अप्सरेप्रमाणे दिसणाऱ्या सोनालीच्या या फोटोंवर चाहत्यांची नजर खिळून राहिली आहे. अनेकांनी तिचं कौतुक केलं आहे. या फोटोमध्ये सोनालीने लाल जरीची पैठणी साडी परिधान केली आहे. सोबत मोठी आणि हटके स्टाईलची नथ, गळ्यातील हार आणि अंगठीदेखील घातली आहे. सोनालीच्या या फोटोवर एका चाहत्याने तर चक्क कविता केली आहे
सोनालीने आजवर ‘हिरकणी’, ‘मितवा’, ‘धुरळा’, ‘क्लासमेट’ यांसारख्या अनेक हिट चित्रपटात काम केलं आहे. ‘नटरंग’ या चित्रपटातील सोनालीची भूमिका विशेष गाजली होती. या चित्रपटात सोनालीचं तिचं नृत्य कौशल्य प्रेक्षकांना भावलं होतं. सोनालीच्या ‘हिरकणी’ चित्रपटातील भूमिकेचं देखील प्रेक्षकांनी कौतुक केलं होतं. लवकरच ती ‘झिम्मा’ आणि छत्रपती ताराराणी’ या चित्रपटात झळकणार आहे
