मुंबई (प्रतिनिधी गणेश तळेकर) – टेलिव्हिजनवरील लोकप्रिय रिएलिटी शो बिग बॉसचा १३वा सीझनचा विजेता सिद्धार्थ शुक्ला सोशल मीडियावर खूप सक्रीय आहे. त्याचा फॅन फॉलोव्हिंगदेखील खूप आहे. विशेष म्हणजे बिग बॉस १३वा सीझन जिंकल्यानंतर तो जास्त लोकप्रिय झाला. सध्या तो फॅन टाइम एन्जॉय करतो आहे आणि त्याचा नवीन शो ‘ब्रोकन बट ब्यूटीफुल ३’ पाहण्यासाठी चाहते उत्सुकतेने वाट पाहत आहेत.
‘ब्रोकन बट ब्यूटीफुल ३’चा एक व्हिडीओ सोशल मीडियावर खूप व्हायरल होतो आहे. या व्हिडीओत सिद्धार्थ शुक्ला सहकलाकार सोनिया राठीसोबत लिप लॉक करताना दिसतो आहे. निर्माती एकता कपूरने टीझरची एक झलक शेअर केली आहे. यात दोघे किस करताना दिसत आहेत. हा व्हिडीओ पाहिल्यानंतर सिद्धार्थचे चाहते हा व्हिडीओ सारखा सारखा पाहत आहे.
#AgastyaRao you set my heart on fire@sidharth_shukla you nailed it boss!#BrokenButBeautiful3 is a hit dude 🔥 pic.twitter.com/N6jQ1epnml
— 𝒦𝒶𝓎🦋 (@kausar_nas) April 7, 2021
सिद्धार्थचे चाहते या व्हिडीओची क्लिप ट्विटरवर शेअर करत प्रतिक्रिया देत आहेत. ‘ब्रोकन बट ब्यूटीफुल ३’ सीरिज ऑल्टबालाजीवर प्रदर्शित झाली आहे. ही रोमँटिक वेबसीरिज एकता कपूरने बनवली आहे. आधीच्या पहिल्या दोन यशस्वी सीझनमध्ये विक्रांत मेस्सी आणि हरलीन सेठी मुख्य भूमिकेत होते. सिद्धार्थ शुक्ला आणि सोनिया राठीची ऑनस्क्रीन केमिस्ट्री चाहत्यांना खूप भावते आहे आणि त्याची खूप चर्चा होताना दिसते आहे.
