जम्मू – जम्मूमधील विमानतळावर मोठा स्फोट झाल्याची माहिती मिळत आहे. रविवारी सकाळी तांत्रिक विभागात हा स्फोट झाला आहे. सूत्रांनी दिलेल्या माहितीनुसार, हा स्फोट भारतीय हवाई दलाकडून पूर्ण कामकाज चालवत असलेल्या भागात झाला आहे. स्फोट झाल्याची माहिती मिळताच बॉम्ब निकामी करणारं पथक घटनास्थळी दाखल झालं आहे.
स्फोटाची माहिती मिळताच पोलीसदेखील घटनास्थळी दाखल झाले आहेत.भारतीय हवाई दलाकडून चालवल्या जाणाऱ्या सतवारी हवाई दल स्टेशनवर हा स्फोट झाला आहे. पहाटे २ वाजता हा स्फोट झाला आहे. स्फोटामध्ये दोन जण जखमी झाले आहेत. मात्र हा स्फोट किती मोठा होता याबद्दल अद्याप कोणतीही माहिती मिळालेली नाही. पोलीस सध्या हवाई दलाकडून प्राथमिक माहिती मिळण्याची वाट पाहत आहेत.
Jammu and Kashmir: Explosion heard inside Jammu airport's technical area; forensic team reaches the spot
Details awaited pic.twitter.com/duWctZvCNx
— ANI (@ANI) June 27, 2021
