शांत या टॅगलाईन शेअर केलाय स्विमिंगपूलमधील व्हिडीओ
मुंबई (प्रतिनिधी गणेश तळेकर) : छोट्या पडद्यावरील लोकप्रिय मालिका तारक मेहता का उल्टा चष्मा गेल्या कित्येक वर्षांपासून अविरत प्रेक्षकांचे मनोरंजन करत आहे. या मालिकेतील जेठालाल, दयाबेन, तारक मेहता, अंजली भाभी, सोनू, टप्पू, बबिता या सर्वच पात्रांना प्रेक्षकांची पसंती मिळते आहे. सध्या सोशल मीडियावर सोनूची भूमिका साकारणारी अभिनेत्री निधी भानुशालीचा एक व्हिडीओ व्हायरल होताना दिसत आहे.
खरेतर निधी भानुशाली हिने २०१९ साली मालिका सोडली. पण त्यानंतरही ती चर्चेत येत असते. ती नेहमी सोशल मीडियावर फोटो आणि व्हिडीओ शेअर करताना दिसते. सध्या निधीचा एक व्हिडीओ सोशल मीडियावर तुफान व्हायरल होताना दिसतो आहे.
या व्हिडीओत ती स्विमिंगपूलमध्ये दिसते आहे. हा व्हिडीओ शेअर करत तिने ‘शांत’ असे लिहिले आहे. या व्हिडीओवर चाहते लाइक्स आणि कमेंटचा वर्षाव करत आहेत.निधी ही छोट्या पडद्यावरील लोकप्रिय अभिनेत्री असून तिने तारक मेहता का उलटा चष्मामध्ये सोनू ही भूमिका साकारली होती. जवळपास ६ वर्षे तिने या मालिकेत काम केले होते. त्यानंतर २०१९मध्ये तिने मालिकेचा निरोप घेतला.
