बेंगळुरू : आज (दि.२८) बुधवारी सकाळी ११.०० वाजता राजभवनातील ग्लास हाऊस इथं कर्नाटकचे मुख्यमंत्री बसवराज बोम्मई यांचा शपथविधी सोहळा पार पडला. माजी मुख्यमंत्री बी एस येडियुरप्पा यांच्या उपस्थितीत बोम्मई यांनी पदाची आणि गोपनीयतेची शपथ घेतली.
त्यांना राज्यपाल थावरचंद गहलोत यांनी शपथ दिली. शपथविधीपूर्वी बोम्माई यांनी केंद्रीय भाजपा निरीक्षक आणि केंद्रीय मंत्री धर्मेंद्र प्रधान तसंच माजी मुख्यमंत्री बीएस येडियुरप्पा यांचीही भेट घेतली.
Basavaraj Bommai sworn-in as the new Chief Minister of Karnataka pic.twitter.com/4RPPysdQBa
— ANI (@ANI) July 28, 2021
बोम्मई यांच्या शपथविधी सोहळ्याला माजी मुख्यमंत्री बी एस येडियुरप्पा हेदेखील उपस्थित होते. राजीनामा द्यावा लागल्यानंतर येडियुरप्पा नाराज असल्याचं सांगण्यात येत होतं, त्यामुळेच त्यांची या कार्यक्रमात उपस्थिती महत्त्वाची ठरली. या कार्यक्रमात भाजपचे अनेक केंद्रीय आणि राज्यातील नेते उपस्थित राहिले.
