ठाणे (सहसंपादक सतीश बनसोडे) : १०० कोटी वसुली प्रकरणी राज्यभर गाजत असलेल्या प्रकरणातील माजी पोलीस आयुक्त परमबीरसिंह यांच्या अडचणीत अजून वाढ होताना दिसत आहे. आता ठाणे पोलीस ठाण्यात परमबीरसिंह यांच्यासह २८ जणांविरुद्ध गुन्हा दाखल करण्यात आला आहे. याशिवाय इतर सहा पोलीस अधिकाऱ्यांची नावेही यात आहेत.
मिळालेल्या माहितीनुसार, हे गुन्हे मनी लाँडरिंग, धमकीसह विविध प्रकरणांमध्ये नोंदवण्यात आले आहेत.ठाणे नगर पोलीस ठाण्यात नोंदवलेल्या या एफआयआरमध्ये परमबीर सिंग, सेवानिवृत्त चकमक तज्ञ पोलीस अधिकारी प्रदीप शर्मा, पोलीस उपायुक्त दीपक देवराज, सहाय्यक पोलीस आयुक्त एन टी कदम आणि निरीक्षक राजकुमार कोथमिरे आहेत. याशिवाय दोन कनिष्ठ अधिकाऱ्यांची नावेही यात समाविष्ट केली आहेत.
Maharashtra: FIR registered under multiple sections of IPC at Thane Nagar Police Station against 28 people, including former Mumbai Police Commissioner Param Bir Singh. FIR registered for various matters including extortion, threats, among others. pic.twitter.com/tyVlNNWv57
— ANI (@ANI) July 30, 2021
दक्षिण मुंबईतील उद्योगपती मुकेश अंबानी यांच्या घराबाहेर स्फोटकांनी भरलेले वाहन सापडल्यानंतर या वर्षी मार्चमध्ये परमबीर सिंह यांना मुंबई पोलीस आयुक्तपदावरून काढून टाकण्यात आले. यानंतर त्यांनी राज्याचे तत्कालीन गृहमंत्री अनिल देशमुख यांच्यावर भ्रष्टाचाराचे आरोप केले. त्याच वेळी, या वर्षाच्या सुरुवातीला, इतर दोन बांधकाम व्यावसायिकांनी या आयपीएस अधिकाऱ्याविरोधात पैसे वसुलीचा गुन्हा दाखल केला होता. महाराष्ट्र अँटी करप्शन ब्युरो देखील परमबीर सिंग यांच्या विरोधात एका प्रकरणाचा तपास करत आहे. अकोल्याच्या एका पोलीस अधिकाऱ्याने त्याच्यावर एस-एसटी कायद्यानुसार हा गुन्हा दाखल केला आहे.
केतन तन्ना नावाच्या बांधकाम व्यावसायिकाच्या तक्रारीवरून ही कारवाई करण्यात आली आहे. तन्ना यांनी आरोप केला आहे की, जानेवारी २०१८ ते फेब्रुवारी २०१९ दरम्यान, जेव्हा परमबीर सिंह ठाण्यात पोलीस आयुक्त होते, तेव्हा त्यांनी त्यांना विविध प्रकरणांमध्ये अडकवण्याची धमकी देऊन १.२५ कोटी रुपये उकळले. त्याने असाही आरोप केला की, त्याच्या मित्राकडून पैसे मागितले आणि सट्टेबाजीचा आरोपी सोनूलाही अशाच प्रकारे पैसे दिले. विशेष म्हणजे, जालान यांनी परमबीर सिंग यांच्याविरोधात दाखल केलेल्या तक्रारीची सीआयडी आधीच चौकशी करत आहे. ही तक्रार बेकायदेशीर वसुलीचीही आहे.
