जम्मू (ऑल इंडिया उपसंपादक राजन चौधरी) : जम्मू काश्मीरमध्ये पोलिसांनी या आठवड्यात चार पत्रकारांच्या घरावर छापेमारी केलीय. छापेमारी दरम्यान कायदेशीर प्रक्रियेचं संपूर्णत: पालन करण्यात आल्याचा दावा पोलिसांनी केला आहे.
हिलाल मीर (टीआरटी वर्ल्ड) , शाह अब्बास (मुक्त पत्रकार), अजहर कादहरी (द ट्रिब्युन) आणि शौकत मित्रा (माजी संपादक) या चार पत्रकारांच्या घरांवर छापे टाकल्यानंतर पोलिसांनी अधिक चौकशीसाठी त्यांना ताब्यातही घेतलं होतं. परंतु, त्याच सायंकाळी त्यांना सोडून देण्यात आलं. खबरदारी म्हणून या पत्रकारांचे लॅपटॉप आणि मोबाईल फोन जप्त करण्यात आला आहे.
All the above 4 persons were called for questioning& were allowed to go in the evening & directed to present themselves tomorrow. Investigation is in progress &the scrutiny of electronic gadgets is also going on: J&K Police (4/5)
— ANI (@ANI) September 9, 2021
काश्मीरचे पोलीस महानिरीक्षक विजय कुमार यांनी दिलेल्या माहितीनुसार, सुरक्षा दलाकडून पत्रकारांना ‘त्रास देण्याचा’ कोणताही प्रयत्न नाही. तर एका संवेदनशील प्रकरणाच्या चौकशी दरम्यान पोलिसांनी हे छापे टाकले आहेत. यासंबंधी खोट्या किंवा दिशाभूल करणाऱ्या बातम्या देऊन तपासणीत हस्तक्षेप होणार नाही याची काळजी घेण्याचा सल्लाही पोलीस महानिरीक्षकांनी मीडियाला यावेळी दिला. प्रकरणात सहभागी असलेल्या व्यक्तींविरोधात सबळ पुरावा हाती लागल्यानंतरच त्यांना ताब्यात घेतलं जाईल, असंही पोलिसांनी म्हटलंय.
