सुरत (गुजरात) : येथे आज, सोमवारी पहाटे विवा पॅकेजिंग कंपनीला भीषण आग लागली. या आगीची माहिती मिळताच घटनास्थळी अग्निशमन दलाच्या गाड्या दाखल झाल्या. तसेच पोलीस देखील घटनास्थळी पोहोचले. या भीषण आगीमध्ये २ जणांचा मृत्यू झाला असून १२५ लोकांची सुखरुप सुटका करण्यात यश आले आहे, अशी माहिती पोलिसांनी दिली आहे. या आगीमागचे नेमके कारण अद्याप स्पष्ट झाले नाही आहे.
माहितीनुसार, सुरतच्या कडोदरा येथील विवा पॅकेजिंग कंपनीला आज पहाटे भीषण आग लागली. यावेळी सर्व कामगार पाचव्या मजल्यावर काम करत आहे. काही कामगारांनी जीव वाचवण्यासाठी पाचव्या मजल्यावरून उडी मारली आणि त्यामध्ये २ जणांचा मृत्यू झाला. तसेच हायड्रोलिक लिफ्टद्वारे जवळपास १२५ कामगाराचा जीव वाचवण्यात यश आले.
#WATCH Around 125 people were rescued, two died in fire at a packaging factory in Kadodara's Vareli in Surat, early morning today; Fire fighting operation underway#Gujarat pic.twitter.com/dWsjwmPTph
— ANI (@ANI) October 18, 2021
कंपनीच्या पहिल्या मजल्यावर आग लागल्यानंतर लगेच ती आग इतर मजल्यावर पसरली. त्यामुळे इमारतीमध्ये अडकलेल्या लोकांना वाचवण्यासाठी क्रेनचा वापर केला गेला. आगीची तीव्रता इतकी जास्त होती की, अग्निशमन दलाच्या पथकाला खिडक्या तोडून आत घुसावे लागले. ही भीषण आग लागल्या मागचे नेमके कारण अद्याप अस्पष्ट आहे.
घटनास्थळावरील प्रत्यक्षदर्शींनीच्या माहितीनुसार, ‘जेव्हा आग लागली, तेव्हा अनेक कामगार पाचव्या मजल्यावर काम करत होते. आगीचे लोट पाहताच कामगार खूप घाबरुन गेले आणि आपला जीव वाचवण्यासाठी काही जणांनी पाचव्या मजल्यावरून उडली मारली.’ सूरतच्या उच्च अधिकाऱ्यांनी सांगितले की, ‘सध्या आगीवर नियंत्रण मिळवण्यासाठी आणि कामगारांचा बचाव करण्यासाठी अथक प्रयत्न केले जात आहे. जखमींना रुग्णालयात दाखल करण्यात आले आहे. तसेच आग लागण्यामागच्या कारणाचा शोध घेतला जात आहे.’
